Posted by കനകാംബരി അമ്മയുടെ കണ്ണുകൾ മുകളിലെ മേൽത്തട്ടിലേക്ക് തറച്ചു നോക്കി തുറന്നിരിക്കുകയാണ്. വായ അല്പം തുറന്നിട്ടുണ്ട്. നെഞ്ച് വളരെ വേഗത്തിൽ ഉയർന്നുതാഴുന്നു. ജയ ടീച്ചർക്ക് എന്ത് ചെയ്യണമെന്ന് ഒരു നിമിഷത്തേക്ക് അറിയാൻ വയ്യാതെ പോയി. പെട്ടെന്ന് സ്വബോധം വീണ്ടെടുത്താൽ ടീച്ചർ നൈറ്റി നേരെയിട്ട് അമ്മയുടെ രണ്ട് കവിളിലും ആയി അങ്ങോട്ടുമിങ്ങോട്ടും കൈകൊണ്ട് ചലിപ്പിച്ചു. അടുത്തിരുന്ന ജഗിൽ നിന്നും തണുത്ത വെള്ളം ഉള്ളം കയ്യിൽ എടുത്ത് മുഖത്തേക്ക് ആഞ്ഞു തെറിപ്പിച്ചു. പെട്ടെന്ന് കനകാംബിരി അമ്മ തല വെട്ടിച്ചുകൊണ്ട് ജയയെ തുറിച്ചു നോക്കി.
അവരുടെ മുഖത്തെ ഭീതിയും വിറക്കുന്ന കൈകളും കണ്ട് എന്ത് സംഭവിച്ചു അമ്മേ എന്ന്, ജയ കട്ടിലിലേക്ക് ഇരുന്നുകൊണ്ട് കയ്യിൽ പിടിച്ച് ചോദിച്ചു. പക്ഷേ അവർക്ക് ഒന്നും പറയാൻ ആകുമായിരുന്നില്ല. അടുത്തിരുന്ന ജഗിൽ നിന്നും കുറച്ചു വെള്ളം പകർന്ന് കനകാംബിരി അമ്മയുടെ വായിലേക്ക് ജയ പതിയെ ഒഴിച്ചുകൊടുത്തു.
രണ്ട് മൂന്ന് കവിൾ വെള്ളം ഇറക്കിയ ശേഷം അവർ പതുക്കെ കണ്ണുകൾ അടച്ചു തുറന്നു. മുറിയുടെ മൂലയിൽ കിടന്നിരുന്ന ബെഡ്ഷീറ്റ് എടുത്ത് കുടഞ്ഞ് അതിൽ എന്തെങ്കിലും പറ്റിയിരിപ്പുണ്ടോ എന്ന് പരിശോധിച്ച ശേഷം ജയ മറ്റൊരു ഷീറ്റ് ആ മുറിയിൽ നിന്ന് തന്നെയുള്ള അലമാരിയിൽ നിന്നും എടുത്ത് അമ്മായിയമ്മയെ പുതപ്പിച്ചു.
ശേഷം വിജയിദേവിന്റെ മുറിയിലേക്ക് പോയി അതിൻറെ കത്ക് വെളിയിൽ നിന്നും തള്ളിയിട്ടും തുറക്കാഞ്ഞത് കാരണം കതകിൽ ജയടീച്ചർ ആഞ്ഞ് ഇടിച്ചു വിജയ് …….വിജയ്….. എഴുന്നേൽക്കെടാ ഒന്ന് വേഗം എഴുന്നേറ്റ് വാ….. എന്ന് ഉറക്കെ വിളിച്ചു. പെട്ടെന്ന് തന്നെ അകത്തുനിന്നും വിജയദേവ് കട്ടിലിൽനിന്നു ഇറങ്ങി ഓടി വരുന്ന ശബ്ദം ജയ ടീച്ചർ കേട്ടു.
കത്ക് തുറന്ന്, പരിഭ്രമിച്ചു നിൽക്കുന്ന അമ്മയെ നോക്കി എന്താ അമ്മേ…. എന്ന് അവനും പരിഭ്രമത്തോടെ ചോദിച്ചു. ഒന്നുമറിയില്ല അച്ഛമ്മയുടെ മുറിയിൽ എന്തോ സംഭവിച്ചു! ഞാൻ അച്ഛമ്മയുടെ മുറിയിൽ ചെല്ലുമ്പോൾ അച്ഛമ്മയുടെ പുതപ്പ് മുറിയുടെ മൂലയിലും അച്ഛമ്മയുടെ നൈറ്റി ഒക്കെ സ്ഥാനം
മാറിയും കിടന്നിരുന്നു ഞാൻ ചോദിച്ചിട്ട് അച്ഛമ്മയ്ക്ക് പ്രതികരിക്കാനും കഴിയുന്നില്ല നമുക്ക് ഏതെങ്കിലും ഒരു ഡോക്ടറുടെ അടുത്തേക്ക് കൊണ്ടുപോവുകയോ ഡോക്ടറെ വിളിച്ചു വരുത്തുകയോ ചെയ്താലോ എനിക്ക് ഒരു തീരുമാനമെടുക്കാൻ കഴിയുന്നില്ല ഞാൻ എൻറെ സ്കൂളിലുള്ള ആരെയെങ്കിലും വിളിക്കട്ടെ. ജെയ ടീച്ചർ പാതി വിറയലോടുകൂടിയ ശബ്ദത്തോട് വിജയുടെ ഒരു അഭിപ്രായം തേടി അവൻ ആകട്ടെ അമ്മ പറയുന്നതെല്ലാം കേട്ട് പരിഭ്രമിച്ച് വല്യമ്മയുടെ മുറിയിലേക്ക് ചെന്നു.