Posted by അതിൽ നിന്നൊക്കെ ഒരു മാറ്റം പ്രതീക്ഷിച്ചാണ് വയനാട് പോലെയുള്ള ഒരു സ്ഥലത്തേക്ക് ജയ ടീച്ചർ സ്ഥലംമാറ്റം വാങ്ങി വന്നത്. താൻ വർഷങ്ങളോളം പഠിപ്പിച്ചിരുന്ന സ്കൂളിൽ ഏറ്റവും മാതൃകാപരമായി കുട്ടികൾക്ക് പാഠം പഠിപ്പിച്ചു കൊടുത്തിരുന്ന ടീച്ചറിന്റെ മകൻ തന്നെ വഴിതെറ്റി പോകുന്നു എന്നുള്ള പേരുദോഷവും, മാനഹാനിയും ഒക്കെയാണ് ടീച്ചറെ ഇത്തരത്തിൽ ഒന്നു മാറി ചിന്തിക്കുവാൻ വഴിയൊരുക്കിയത്.
പ്ലസ് ടു പഠനത്തിനുശേഷം കളമശ്ശേരിയിൽ ഉള്ള ഐടിഐ കേന്ദ്രത്തിൽ ടെക്നിക്കൽ കോഴ്സിനായി ചേർന്നിരുന്നു എങ്കിലും പഠനം പൂർത്തിയാക്കാതെ പഠനത്തിനായി മുടക്കിയിരുന്ന പണം പോലും വഴിമാറ്റി ചെലവാക്കി തന്റെ ഭാവിയെ കുറിച്ച് പോലുമുള്ള ചിന്തയില്ലാതെ വിജയ് ദേവ് തൻറെ ആഭാസജീവിതം തുടർന്നുകൊണ്ടിരുന്നു.
ഓൺലൈനായി എന്തെങ്കിലും ക്ലാസുകൾക്ക് ചേരുവാനോ മറ്റെന്തെങ്കിലും കോഴ്സുകൾ പഠിക്കുവാനോ അവനോട് പലപ്രാവശ്യം ടീച്ചർ ആവശ്യപ്പെട്ടെങ്കിലും അതിനൊന്നും അവൻ യാതൊരു വിലയും കൽപ്പിച്ചില്ല താല്പര്യമില്ലാത്തതിനാൽ പിന്നെ ടീച്ചർ നിർബന്ധിച്ചും ഇല്ല.
കൊച്ചി നഗരം വിട്ട് വേറെ എങ്ങോട്ടെങ്കിലും പോവുക എന്നത് വിജയിനെ സംബന്ധിച്ച് ചിന്തിക്കാൻ പോലും ആകുന്ന കാര്യം ആയിരുന്നില്ല.
പക്ഷേ അമ്മയുടെ ഉറച്ച തീരുമാനത്തിന് മുൻപിൽ വിജയദേവ് മുട്ടുമടക്കേണ്ടി വന്നു.
ഈ അധ്യയന വർഷമാണ് ജയയ്ക്ക് വയനാട്ടിലേക്ക് സ്ഥലംമാറ്റം കിട്ടിയത്.
സ്കൂളിന് വലിയ ദൂരത്ത് അല്ലാതെ സൗകര്യപ്രദമായ ഒരു പഴയകാല ഓട് മേഞ്ഞ വീട് താമസത്തിനായി ലഭിച്ചു.
അതിൻറെ ഉടമസ്ഥൻ അത് വാങ്ങിച്ച ശേഷം അവിടെ താമസിച്ചിട്ടില്ല.
ഇതിനു മുൻപ് ആരൊക്കെയോ അവിടെ വാടകയ്ക്ക് താമസിച്ചിരുന്നു അവരൊക്കെ സ്ഥലം മാറി പോവുകയോ മറ്റു സൗകര്യപ്രദമായ വീടുകൾ ലഭിച്ചു മാറുകയോ ചെയ്തതായിരുന്നു.
സ്കൂളിലേക്ക് നടന്ന് പോകാവുന്ന ദൂരമേ ഉണ്ടായിരുന്നുള്ളൂ അതുകൊണ്ടാണ് പഴയ വീട് ആണെങ്കിലും അത് വാടകയ്ക്ക് എടുക്കാൻ തീരുമാനിച്ചത്.
വലിയ വാടകയൊന്നും അതിൻറെ ഉടമസ്ഥൻ പറഞ്ഞിരുന്നില്ല. എറണാകുളത്തെ സ്വന്തമായി ഉണ്ടായിരുന്ന ഇരുനില കെട്ടിടം രണ്ട് നിലയും വാടകയ്ക്കായി നൽകിയിട്ടാണ് ജയ ടീച്ചർ വയനാട്ടിലേക്ക് വന്നത്. അതുകൊണ്ട് വയനാട്ടിലെ വീടിൻറെ വാടകയ്ക്കായി വേറെ പണം മാറ്റിവെക്കേണ്ടി വന്നില്ല.
സ്കൂളിൽ തന്നെയുള്ള ഒരു അധ്യാപകനാണ് വീട് അവർക്ക് തരപ്പെടുത്തി കൊടുത്തത്. ഈ അധ്യാപകന്റെ ഭാര്യയുടെ ഒരു ബന്ധുവിന്റെ ഉടമസ്ഥതയിലാണ് ഈ വീട്. അത് പൊളിച്ചു അവിടെ ഒരു കടമുറി പണിയുവാൻ ആയി അയാൾക്ക് പ്ലാൻ ഉണ്ട് എന്ന് പറഞ്ഞിരുന്നു. എങ്കിലും ബാങ്ക് ലോൺ മറ്റും കിട്ടുന്നതിന് ഉണ്ടായ കാലതാമസം നിമിത്തം അത് മാറ്റി വച്ചിരിക്കുകയാണ്.