Posted by അപ്പൊ സാധാ ഡിഗ്രി ആണ് അവൾ പഠിക്കുന്നത്. കോളേജ് കണ്ട തന്നെ അറിയാം ഇവിടെ പഠിക്കാൻ നല്ല ഫീസ് ആവും എന്ന്. നല്ല സുന്ദരമായ വല്യ ഒരു ക്യാമ്പസ്, ഒരു സിനിമ ഷൂട്ടിംഗ് ഒക്കെ നടത്താൻ വന്നാൽ വേറെ സെറ്റ് ഇടേണ്ട ആവിശ്യം ഇല്ല. പ്രണയിനിയുടെ കൈ കോർത്തു നടക്കുമ്പോഴും അവളുടെ കണ്ണുകൾ ഓർത്തു സ്വപ്നം കാണുമ്പോഴും,
ആ നിമിഷങ്ങളുടെ മനോഹാരിത കൂട്ടാനും ഈ ക്യാമ്പസ്സിന് സാധിക്കും. എനിക്ക് അവളോട് ഇഷ്ടം പറയാനും പ്രേമിച്ചു നടക്കാനും വേണ്ടി മാത്രം ആണ് ഈ സ്ഥലം എനിക്ക് കാണിച്ചു തന്നത് എന്ന് തോന്നി പോയി. ഈ ആഗ്രഹങ്ങൾ എല്ലാം ഇവിടെ വെച്ചു എങ്ങനെ നടത്തണം എന്ന് മാത്രം എനിക്ക് അറിയില്ലായിരുന്നു.
പക്ഷെ ഇനി ഒരു ചെറിയ പ്രെശ്നം ഉള്ളത് എന്റെ ക്ലാസ്സിന്റെ സമയം ആണ്. വൈകുനേരം ക്ലാസ് കഴിഞ്ഞ ഞാൻ ഇറങ്ങുമ്പോഴേക്കും അവൾ കോളേജിൽ നിന്നും പോയിട്ട് ഉണ്ടാവും, പിന്നെ അവളെ കിട്ടില്ല.
അതുകൊണ്ട് അവളുടെ ക്ലാസ് കഴിയുമ്പോഴേക്കും ഞാൻ ആ കോളേജിന്റെ പരിസരത് ഉണ്ടാവനം. മോർണിംഗ് ക്ലാസ്സിന് ചേരാൻ അവർ കൂറേ പറഞ്ഞെങ്കിലും, നേരത്തെ എണീക്കണ്ട കാര്യം ഓർത്തപ്പോ ഉച്ചക് മതി എന്ന് ഞാൻ പറഞ്ഞു.
ഇനി പോയി പിന്നെയും അവരുടെ കാൽ പിടിച്ചു രാവിലത്തെ ബാച്ചിൽ കേറണം, അല്ലെങ്കിൽ പഠിത്തം നടക്കില്ല. അവളുടെ ക്ലാസ് കണ്ടുപിടിക്കണം എന്നെനിക് ഉണ്ടായിരുനെകിലും അത്ര ധൈര്യം എനിക്ക് ഉണ്ടായിരുന്നില്ല, പാർക്കിങ്ങിൽ വെച്ചു തന്നെ അവളെ കാണാം.
ഉച്ചക് ഫുഡ് കഴിക്കാനും ക്ലാസ്സിലേക് ഉള്ള ബുക്ക് എടുക്കാനും എന്തായാലും വീട്ടിൽ പോയെ പറ്റൂ. അല്ലെങ്കിൽ ഇന്ന് ഒരു ദിവസം പുറത്തിന് കഴിക്കാം, ക്ലാസ്സിന് ആരോടെങ്കിലും ബുക്ക് കടം ചോദിക്കാം, പിന്നെ ഇന്ന് തന്നെ ക്ലാസ് മാറുന്ന കാര്യം പറയാം.
അങ്ങനെ കുറച്ചു നേരം അങ്ങോട്ടും ഇങ്ങോട്ടും ഒക്കെ കരഞ്ഞി പിന്നെ ഇന്സ്ടിട്യൂട്ടിലോട്ട് പോയി കാര്യം പറഞ്ഞു. ആദ്യം ഒന്നും പറഞ്ഞില്ലെങ്കിലും അവരുടെ നോട്ടത്തിൽ നിന്നും എനിക്ക് കാര്യം മനസ്സിലായി
‘നിന്നോട് ഞങ്ങൾ മലയാളത്തിൽ തന്നെ അല്ലേടാ പറഞ്ഞത് മോർണിംഗ് ബാച്ചിൽ ചേരാൻ.’ കൂടുതൽ നിർബന്ധിക്കേണ്ടി വന്നില്ല, ക്ലാസ് മാറാൻ സാധിച്ചു, നാളെ തൊട്ട് അപ്പൊ രാവിലെ എണീറ്റ് ക്ലാസ്സിൽ വരണം.