Posted by കാലം എനിക്ക് അനിയത്തിമാർക്കും അനിയനും മുന്നിൽ അച്ഛന്റെ സ്ഥാനം നൽകി ചുമലിൽ ഏറ്റിയത് സഹോദരങ്ങളുടെ ഭാവി ആണെന്നത് മനസിലാക്കിയ ഗൗരവം ആയിരിക്കാം എന്റെ മുഖത്തെചിരി മായ്ച്ചതും അവർ എന്നോട് അകലാൻ തുടങ്ങിയതും ഞാൻ അറിഞ്ഞില്ല
കാലം കടന്ന് പോയി കൃഷിയും കന്നുകാലികളും താറാവും കോഴിയും ചെറുതായി തുടങ്ങി ഇപ്പൊ അത്യാവശ്യം നല്ല രീതിയിൽ പോവുന്ന അച്ചാർ കമ്പനിയും എല്ലാം കൂടെ കഷ്ടപ്പെട്ട് ആണെങ്കിലും കല്യാണത്തിന് അവൾ കട്ടുകൊണ്ട്ണ്ടുപോയതടക്കം അപ്പേടെ കടവും തീർത്തു കാര്യമായി വലിയ ബാങ്ക് ബാലൻസ് ഒന്നും ഇല്ലെങ്കിലും മോശമല്ലാത്തൊരു ബാങ്ക് ബാലൻസ് ആയിട്ടുണ്ട്
രണ്ടാമത്തെ അനിയത്തി അടുത്തുള്ള പ്രൈവറ്റ് സ്കൂളിൽ ടീച്ചർ ആയി ജോലിക്ക് കയറിയതിന് കൂടെ ഗവണ്മെന്റ് ജോലിക്കുള്ള തയ്യാറെടുപ്പ് ആയിരുന്നു, മൂത്ത അനിയത്തി ഡിഗ്രിയും അക്കൗണ്ടിങ്ങും കഴിഞ്ഞ് ഒരു ചെറിയ കമ്പനിയിൽ അക്കൗണ്ടന്റ് ആയി ജോലിക്ക് കയറി ഒരു മാസം കഴിഞ്ഞു ഞാൻ വയലിൽ വളം ഇട്ടു കൊണ്ടിരിക്കെ കൈയിൽ ചെറിയൊരു ബോക്സ്മായി ഇളയ അനിയത്തി അങ്ങോട്ട് വരുന്നത് കണ്ട്
ചളിയിൽ ഇറങ്ങി സാരി ചീത്തയാക്കി നാളെ സാരി വേണോന്നും പറഞ്ഞു വന്നാൽ ഒറ്റ പൈസ ഞാൻ തരില്ല പറഞ്ഞേക്കാം
ചിരിച്ചോണ്ട് അടുത്തേക്ക് വന്ന അവൾ എന്നെ കെട്ടിപിടിച്ചു
കുറേ കാലത്തിനു ശേഷമായിരുന്നു അവൾ എന്നോട് അത്ര അടുത്തു പെരുമാറുന്നത് എനിക്ക് പെട്ടന്ന് എന്തോ പോലെ തോന്നി
എന്താ കാണിക്കുന്നത് വിട് ആകെ ചളിയാ
അവൾ കൈയിലെ പെട്ടി തുറന്ന് ഒരു ലഡു എടുത്ത് വായിൽ വെച്ചുതന്നു
എനിക്ക് സാലറി കിട്ടി ഇതാ പൈസ എന്റെ കൈയിലേക്ക് വെച്ചുതന്നിട്ട് അവൾ കുനിഞ്ഞു ചളിയിൽ പുത്തഞ്ഞ എന്റെ കാലിൽ തൊട്ടതും ഞാൻ ഞെട്ടി പോയി എണീക്ക് എന്നും പറഞ്ഞു അവളെ പിടിച്ച് എഴുനേൽപ്പിച്ചു അവളെ നേരെ നിർത്തി നെറ്റിയിൽ ഒരുമ്മ നൽകി പൈസ എണ്ണി നോക്കി ഒരു രൂപ കുറയാതെ ശമ്പളം മുഴുവനുണ്ട് അത് തിരികെ അവളുടെ കൈയിലേക്ക് വെച്ചുകൊടുത്ത് കൈയിൽ വെച്ചോ
എന്താ…ചേച്ചീ…
ഒന്നൂല്ലെടീ എന്തേലും അത്യാവശ്യം ഉണ്ടാവുമ്പോ എടുക്കാലോ അമ്മക്ക് ലഡു കൊടുത്തോ