“ഇവളുടെ തള്ള കാഞ്ഞു എന്ന് ഫോൺ വന്നു. ഒരു കാര്യം ചെയ്യ്. നീ നാളെ ഇവളെയും കൂട്ടി നാട്ടിൽ പോ. ചടങ്ങ് മൂന്നാഴ്ച എടുക്കും എന്ന് ഇവള് പറഞ്ഞു. കറക്റ്റ് 21ആം ദിവസം നീയും ഇവളും ഇവിടെ തിരിച്ച് വന്നിരിക്കണം. ഇല്ലെങ്കിൽ എൻ്റെ കൈയിൽ ഇവളുടെ കൊറച്ച് ഫോട്ടോകൾ ഒണ്ട് അതും ആയിട്ട് ഞാൻ നിൻ്റെ വീട്ടിലേക്ക് ആളെ വിടും. കേട്ടോ. ഓർമയില്ലെടി അന്ന് ഡാൻസ് കഴിഞ്ഞ് എടുത്തത്.”
നന്ദിനി കരച്ചിലിനിടെ തല കുലുക്കി. “നീ കരഞ്ഞൊണ്ട് ഇരിക്കാതെ പോയി കുളിച്ച് പണിക്ക് പോ. ദിലീപ് ഇപ്പോ വരും.”
അവള് ഒന്നും മിണ്ടാതെ പാവ പോലെ എണീറ്റ് പോയി തയ്യാറായി. ഹംസ ഒരു ഫോൺ വന്നപ്പോൾ ഇറങ്ങി പോയി.ദാസൻ പോകുന്നതിനു മുൻപ് തന്നെ ദിലീപ് വന്നു. നന്ദിനി കയറി പോയി . ദാസൻ സെറ്റിയിൽ ഇരുന്നു ആലോചിച്ചു. ഇവൾ ഈ ഇപ്പോ ഇടുന്ന തുണി ഒക്കെ ഇട്ട് നാട്ടിൽ ചെന്നാൽ. അപ്പോഴാണ് ദാസൻ താലിയെക്കുറിച്ച് ആലോചിച്ചത്. അവൻ അത് അവസാനം കണ്ട മൂലയിലേക്ക് നോക്കി. അത് പൊടി അടിച്ച കൂട്ടത്തിൽ പോയി കാണണം. പുതിയ ഒന്ന് ഇതുപോലത്തെ വാങ്ങണം. ഏറ്റവും പ്രധാനം ഇതൊന്നും അല്ല. കുറെ കാലമായി മനസ്സിൽ ഇട്ടിരിക്കുന്ന ആഗ്രഹം രേണു വിനോട് എന്നോടൊപ്പം പോരാമോ എന്ന് ചോദിക്കണം. തന്നെ ഇവിടെ പിടിച്ച് നിർത്തുന്നത് നന്ദിനിയുടെ മേൽ ഹംസക്കുണ്ടായിരുന്ന കൺട്രോൾ ആണ് . ഇപ്പോൾ നന്ദിനി രേണു വിൻ്റെ കൈയിൽ ആണ്. പിന്നെ ഫോട്ടോസ്. അത് ഇരിക്കുന്ന സ്ഥലം കൃത്യമായി ദാസന് അറിയാം. ആകടമുറിയുടെ അലമാരയിൽ അത് അന്ന് കൊണ്ട് വച്ചശേഷം ഹംസ അതിലേക്ക് തിരിഞ്ഞു നോക്കിയിട്ടില്ല. അതിൻ്റെ കീ ദിലീപ് വഴി ദാസൻ കൈവശപ്പെടുത്തിയതാണ്. അന്ന് രക്ഷപ്പെടാൻ ഇരുന്ന മാർഗത്തിലൂടെ ഇന്ന് രക്ഷപ്പെടാൻ വഴി ഉണ്ട്. ഇപ്പോൾ ലോഡ് കൊണ്ട് പോകുന്നവൻ ദാസൻ്റെ ഇഷ്ട്ടക്കാരൻ ആണ്. അവനും കമ്പനി വിട്ട് പോകാൻ നിൽക്കുക ആണ്. ദാസൻ പറഞ്ഞാൽ അവൻ പണ്ടത്തെപ്പോലെ അവരെ എയർപോർട്ടിൽ വിട്ട് രാജി വച്ച് മുങ്ങും,അസ്സമിലേക്ക്. ഒന്നുകിൽ നാളെ അല്ലെങ്കിൽ തിരിച്ച് വന്നതിനു ശേഷം പ്ലാൻ നടപ്പിലാക്കാവുന്നതാണ് . ഇന്ന് തന്നെ രേണു വിനോടു ചോദിക്കണം ദാസൻ ഉറപ്പിച്ചു.