Posted by
‘അവളെ നമ്മൾ എന്ത് ചെയ്യും..’
ഞാൻ എന്താണ് ഉദ്ദേശിച്ചത് എന്നറിയാതെ ആഷിക്ക് കിളി പോയ പോലെ നിന്നു
‘ഒന്നും ചെയ്യണ്ട.. അവൾക്കൊരു ലൈൻ ഉണ്ട്.. ഞാൻ ഇന്നലെ രണ്ടിനെയും തിയേറ്ററിൽ വച്ചു പൊക്കി. കുറച്ചേ ആയുള്ളൂ സെറ്റ് ആയിട്ട്. അവൻ അവളുടെ ഒരു പഴയ ഫ്രണ്ട് ആണ്.. ഈ കാര്യം അവളുടെ ഫ്രണ്ട്സ് പോലും അറിഞ്ഞിട്ടില്ല..’
‘ഇത്രയും ക്ലോസ് ആയി നടന്നിട്ടും അവൾ അവരോട് അത് പറഞ്ഞില്ലേ..?
രാഹുലിന് അത്ഭുതം ആയി
‘ഇല്ല. മിണ്ടാപ്പൂച്ച കലം ഉടക്കുന്നു എന്ന് ഇവളെ ഒക്കെ കുറിച്ചാണ് പറയുന്നത്.. പിന്നെ ഞാൻ പൊക്കിയപ്പോ ഇവനെ സപ്പോർട്ട് ചെയ്യാം എന്ന് അവൾ ഏറ്റിട്ടുണ്ട്..’
ഞാൻ അത് പറഞ്ഞിട്ടും ആഷിക്കിന് ഒരു ആത്മവിശ്വാസം വന്നില്ല
‘എടാ പക്ഷെ എന്നാലും ഫാത്തിമ യെസ് പറയുമോ. എനിക്ക് ഇപ്പോളും തോന്നുന്നില്ല..’
‘എടാ നീ കഴിഞ്ഞ വർഷം പ്രൊപോസൽ ചെയ്ത ഫാത്തിമ അല്ല ഇപ്പോൾ അവൾ. അവളുടെ സ്റ്റാർ വാല്യൂ ഒക്കെ ഇടിഞ്ഞു. ജൂനിയർ പെൺകുട്ടികൾ വരുമ്പോൾ സീനിയർ ഗേൾസിന്റെ സ്റ്റാർ വാല്യൂ കുറയും. അവളെ അന്ന് നോക്കിയിരുന്ന മിക്കവരും പുതിയ പിള്ളേരുടെ പുറകെ പോകും.. അപ്പോൾ പിന്നെ അവൾക്ക് ഉള്ളിൽ നിന്നോട് ഇഷ്ടം ഉണ്ടെങ്കിൽ പറഞ്ഞെ പറ്റൂ..’
‘എന്നാലും എന്നോട് തന്നെ പറയും എന്ന് എന്താടാ ഉറപ്പ്..’
ആഷിക്ക് മൈരന്റെ സംശയം ഇന്നൊന്നും തീരുമെന്ന് തോന്നുന്നില്ല..
‘അതും ന്യായമായ ചോദ്യമാണ്.. അവൾ ഇഷ്ടം ആണെന്ന് പറയാൻ നിനക്ക് എന്താണ് ഉള്ളത്. നിനക്ക് കലാപരമായി എന്തെങ്കിലും കഴിവുണ്ടോടാ നാറി.’
‘ഞാൻ വരയ്ക്കും..’
ഞാൻ ഊക്കിയത് ആണെന്ന് മനസിലാകാതെ അവൻ പറഞ്ഞു.
‘നീ പറിക്കും. എന്നിട്ട് നീ ഇന്നേ വരെ അവളുടെ പിക് എന്തെങ്കിലും വരച്ചു അവൾക്ക് കൊടുത്തിട്ടുണ്ടോ..?
‘കൊടുത്തിട്ടില്ല.. പക്ഷെ വരച്ചിട്ടുണ്ട്. ‘
അവൻ നിഷ്കളങ്കമായി പറഞ്ഞു
‘എന്നാൽ ഇനി നീ വരയ്ക്കണം.. നിന്റെ കഴിവ് മുഴുവൻ എടുത്തു വരയ്ക്കണം.. അവളുടെ പടമല്ല.. റോസിന്റെ പടം..’