Posted by അമ്മ :ടാ നിനക്ക് എന്തെങ്കിലും പറയാൻ ഉണ്ടോ
സാം :എന്താ അമ്മേ അങ്ങനെ ചോദിച്ചേ
അമ്മ :അല്ല നിനക്ക് എന്താ എന്നോട് ഇന്ന് വല്ലാത്തൊരു സ്നേഹം ആളാകെ മാറിയ പോലെ
“ഞാൻ പറഞ്ഞത് തന്നെയാ അമ്മേ കാരണം അവനു അമ്മേടെ കയ്യിന്ന് എന്തോ വേണം അതിനുള്ള അടവാ ഇതൊക്കെ ”
ലിസി അമ്മക്കുള്ള മറുപടി നൽകി
അമ്മ :ആണോടാ
സാം :എനിക്ക് ഒന്നും വേണ്ട അമ്മേ അമ്മ എപ്പോഴും അടുത്തുണ്ടായാൽ മതി
അമ്മ :അതിന് ഞാൻ എവിടെ പോകാനാടാ
പെട്ടന്ന് തന്നെ സാമിന്റെ കണ്ണുകൾ നിറഞ്ഞു
അമ്മ :എന്തടാ പറ്റിയത് നീ എന്തിനാ കരയുന്നേ സത്യം പറ നിനക്ക് എന്താ പറ്റിയത്
സാം :അമ്മേ ഞാൻ ഒരു ചീത്ത സ്വപ്നം കണ്ടു
അമ്മ :എന്ത് ചീത്ത സ്വപ്നം
സാം :ഒരു ചീത്ത സ്വപ്നം അത്ര തന്നെ
അമ്മ :എന്തടാ സ്വപ്നത്തിൽ എനിക്ക് വല്ലതും പറ്റിയോ
പെട്ടെന്ന് തന്നെ സാം അമ്മയെ കൂടുതൽ മുറുകെ പിടിച്ചു
സാം :അമ്മേ അമ്മ ഇനി ആരോഗ്യം നന്നായി നോക്കണം വേണ്ടാത്തതൊന്നും കഴിക്കരുത് അമ്മ പോയാൽ എനിക്കും ചേച്ചിക്കും വേറേ ആരുമില്ല
ഇത് കേട്ട ലിസി വേഗം തന്നെ അവരുടെ അടുത്തേക്ക് എത്തി
ലിസി :മിണ്ടാതെ ഇരുന്നോ ചെറുക്കാ അമ്മക്ക് ഒന്നും പറ്റില്ല
ഇത് പറഞ്ഞപ്പോൾ ലിസിയുടെ കണ്ണുകളും നിറഞ്ഞിരുന്നു
അമ്മ :നീയും തുടങ്ങിയോ
ലിസി :ഇവൻ പറഞ്ഞ ഒരു കാര്യം ശെരിയാ അമ്മ ഇനി ആരോഗ്യം നോക്കണം അധികം ജോലിയൊന്നും ചെയ്യണ്ട
സാം :അതെ സ്ഥിരമായി ചെക്കപ്പ് നടത്തണം മരുന്നൊക്കെ കൃത്യമായി കഴിക്കണം
അമ്മ :മതി മതി രണ്ടും കൂടി എന്നെ ഇന്ന് തന്നെ മുകളിലോട്ട് പറഞ്ഞു വിടുമെന്ന് തോന്നുന്നല്ലോ
“അമ്മേ എന്തിനാ ഇങ്ങനെയൊക്കെ പറയുന്നേ ”
ലിസി അമ്മയോടായി പറഞ്ഞു
അമ്മ :ഹോ എന്റെ മക്കൾക്ക് എന്നോട് ഇത്രയും സ്നേഹം ഉണ്ടെന്ന് എനിക്ക് അറിയില്ലായിരുന്നു
ലിസി :ഇത് സ്നേഹം കൊണ്ടൊന്നുമല്ല അമ്മ പോയാൽ ഈ പൊട്ടനെ ഞാൻ നോക്കേണ്ടി വരില്ലേ അത് കൊണ്ടാ