Posted by മാമൻ ഉള്ളിൽ കയറിയതും പിന്നെ അവിടെ നിന്ന് സമയം കളയാതെ ഞാൻ മതില് ചാടി വീട്ടിലേക്ക് നടന്നു. വീട്ടിലേക്ക് നടക്കുന്നതിനിടയിലും മനസ്സിൽ മുഴുവൻ കുറച്ച് മുൻപ് കണ്ട അനുവിന്റെ ആ രൂപമായിരുന്നു.
ഞാൻ വീട്ടിൽ ചെല്ലുമ്പോൾ അച്ഛൻ ടീവി കാണുന്നത് കണ്ടു. ലച്ചുവിന്റെ റൂമിൽ നിന്നും അവൾ പഠിക്കുന്നതിന്റെ സൗണ്ട് കേൾക്കുന്നുണ്ട്. പെൺകുട്ടികൾ പൊതുവെ അങ്ങനെയാണല്ലോ വീട്ടിലുള്ള ആങ്ങളമാർക്ക് പണിയുണ്ടാക്കുക അതുതന്നെ അവരുടെ ലക്ഷ്യം.
ഞാൻ അടുക്കളയിലേക്ക് ചെന്നു. അമ്മേ ചായ.
ആ നീ വന്നോ.. അമ്മയുടെ മറുചോദ്യം.
അമ്മ എനിക്കുള്ള ചായ എടുത്ത് തന്നു. ഞാൻ അടുക്കളയിൽ തന്നെ ഇരുന്നുകൊണ്ട് ചായകുടിക്കാൻ തുടങ്ങി.
അനു വന്നിട്ടുണ്ട്. നീ കണ്ടോ.. പെട്ടെന്നാണ് അമ്മയുടെ ആ ചോദ്യം എനിക്ക് നേരെ വന്നത്.
ങേ.. ഇല്ല.. ഞാൻ പെട്ടൊന്ന് തപ്പി തടഞ്ഞ് പറഞ്ഞു.
മ്മ്.. അവൾക്കൊരു കല്യാണലോചന വന്നിട്ടുണ്ട്. അവളുടെ കോളേജിലെ അസിസ്റ്റന്റ് പ്രൊഫസറാണ് ചെക്കൻ.
അമ്മയുടെ ആ വാക്കുകൾ ഒരു വെള്ളിടി പോലെ എന്റെ ചെവിയിൽ വന്നുപതിച്ചു.
നാളെ അവര് അനുനെ കാണാൻ വരും. അവര് വരുബോ നമ്മളെല്ലാരും അവിടെ ഉണ്ടാവണമെന്ന് മാമൻ പറഞ്ഞിട്ടുണ്ട്.
തുടരും… 🌺. Dear. JK