Posted by ഞാൻ അവളെ എത്രത്തോളം ഇഷ്ട്ടപെടുന്നോ അത്രത്തോളം അവളെന്നെ വെറുക്കുന്നതും പിന്നീട് ഞാൻ സങ്കടത്തോടെ നോക്കി നിന്നു.
അനുന്റെ പുറകെ ആരെങ്കിലും നടക്കുന്നുണ്ട് എന്നറിഞ്ഞാൽ അവനെ ഞാൻ കായികമായി നേരിടുവാൻ തയ്യാറായി നടന്നു. എങ്കിലും പിന്നീടാത്തിന്റെ ആവശ്യം വന്നില്ല.
അങ്ങനെ ആ രണ്ട് വർഷവും കടന്നുപോയി. +2 റിസൾട്ട് വന്നപ്പോൾ അനു എല്ലാ വിഷയത്തിലും നല്ല മാർക്കോടെ പാസ്സായി.
ഞാനും മനുവും പേപ്പറ് നോക്കിയവരുടെ ദയകൊണ്ടാണെന്നു തോന്നുന്നു ജസ്റ്റ്‌ പാസ്സ്. പിന്നെ ആ കാലഘട്ടത്തിൽ അത് തന്നെ വലിയ കാര്യം ആയോണ്ട് വീട്ടുകാരും ഏറെ കുറെ ഹാപ്പിയാണ്.
അനു അവളുടെ ഉയർന്ന മാർക്ക് വച്ചുകൊണ്ട് എല്ലാ പ്രദനപ്പെട്ട കോളേജുകളിലും അഡ്മിഷനുവേണ്ടി ശ്രമിച്ചു.
ഞാനും മനുവും ഞങ്ങൾക്ക് കിട്ടിയ മാർക്ക് വച്ച് ഡിഗ്രിക്ക് നല്ല ട്യൂട്ടോറിയൽ കോളേജ് തപ്പിയിറങ്ങി.
അനുവിന് എറണാംകുളം മഹാരാജാസിൽ അഡ്മിഷൻ കിട്ടി. ഞാനും മനുവും തിരൂരുള്ള ഒരു പ്രൈവറ്റ് കോളേജിലും ചേർന്നു.
അനു അവിടെത്തന്നെ കോളേജ് ഹോസ്റ്റലിൽ നിന്ന് പഠിക്കാൻ തീരുമാനിച്ചു. മാമനും അമ്മായിക്കും ആദ്യം എതിർപ്പ് ഉണ്ടായിരുനെങ്കിലും അനുവിന്റെ നിർബന്ധം മൂലം അവർക്കും അത് വഴങ്ങേണ്ടിവന്നു.
ഈശ്വര മാമനും അമ്മായിയും സമ്മതിക്കല്ലേ എന്ന് പ്രാർത്ഥിച്ചതും വഴുപാടുകൾ നേർന്നതും എല്ലാം വെറുതെയായി. ആദ്യ മാദ്യമെല്ലാം അനു എല്ലാ ഞായറാഴ്ചകളിലും ഹോസ്റ്റലിൽ നിന്നും അവളുടെ വീട്ടിലേക്ക് വരുമായിരുന്നു.
എന്നാൽ പിന്നീടത് പോകപ്പോകെ മാസത്തിൽ രണ്ട് തവണയായി അത് കുറഞ്ഞു. അത് പിന്നെ മാസത്തിൽ ഒരു തവണ വന്നലായി എന്നായി മാറി.
എന്നെ കാണുന്നത് ഇഷ്ട്ടമല്ലെങ്കിലും കൂടെ അവൾ വന്നു എന്നറിയുബോൾ ഞാൻ ഓടിചെല്ലും. അവളെ ഒരു നോക്ക് കാണാൻ വേണ്ടി.
അങ്ങനെ എന്റെയും അനുവിന്റെയും ജീവിതം രണ്ട് വള്ളത്തിൽ എന്നപോലെ മുൻപോട്ട് പോയികൊണ്ടിരുന്നു.
അനുവിന് പഠിക്കാൻ നല്ല താല്പര്യം ഉള്ളോണ്ട് പ്രണയത്തിൽ ഒന്നും ചാടത്തെ മുന്നോട്ട് പോയി. ആ വിവരങ്ങളെല്ലാം അനു നാട്ടിൽ വരുബോൾ ലച്ചു വഴി ഞാൻ ചോദിച്ചറിഞ്ഞുകൊണ്ടിരുന്നു.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
അവസാന വർഷ ഡിഗ്രിക്ക് പഠിക്കുന്ന സമയം.
ഞാൻ വൈകിട്ട് വീട്ടിലേക്ക് കയറി ചെല്ലുബോഴാണ് ലച്ചു നിലവിളക്കുമായി പുറത്തേക്ക് ഇറങ്ങി വന്നത്.