Posted by കാര്യങ്ങൾ പറയണം അത്ര ഉള്ളു
ഇത്രയും പറഞ്ഞു ജെയ്സൺ വേഗം കാർ മുൻപോട്ട് എടുത്തു അല്പസമയത്തിനുള്ളിൽ തന്നെ ജെയ്സൺ കാറുമായി ജെയ്സൺ കൺവെൻഷൻ സെന്ററിനു മുൻപിലെത്തി
ജാനി :നമ്മളെന്താ ഇവിടെ
ജെയ്സൺ :എനിക്ക് നിന്നോട് ഒറ്റക്ക് ഒന്ന് സംസാരിക്കണം അതിന് പറ്റിയ സ്ഥലം ഇതാണെന്ന് തോന്നി എന്റെ കൂടെ വാ
എന്നാൽ ജാനി ജെയ്സനോടൊപ്പം പോകാതെ മടിച്ചു നിന്നു പെട്ടെന്ന് തന്നെ ജൈസൺ ജാനിയുടെ കയ്യിൽ പിടിച്ചു കൊണ്ട് മുൻപോട്ടു നടന്നു അവർ എത്തി ചേർന്നത് വിജനമായ ഒരു ഹാളിലേക്കായിരുന്നു
ജാനി :എന്തിനാ ജൈസാ എന്നെ ഇങ്ങോട്ടേക്ക്‌ കൊണ്ട് വന്നത് എനിക്ക് പേടിയാകുന്നുണ്ട് എനിക്ക് പോകണം
ജെയ്സൺ :ഇനി നീ എന്നെ കണ്ട് പേടിക്കേണ്ടി വരില്ല ജാനി ഇനി ഞാൻ നിന്റെ കൺവെട്ടത്തെക്കുപോലും വരില്ല ഇത് പറയാൻ മാത്രമാണ് ഞാൻ നിന്നെ ഇങ്ങോട്ടേക്കു കൊണ്ട് വന്നത്
ജാനി :നീ എന്തൊക്കെയാ ജൈസാ ഈ പറയുന്നത്
ജെയ്സൺ :എനിക്ക് എന്റെ തെറ്റുകൾ എല്ലാം മനസ്സിലായി ജാനി ഞാൻ എത്രത്തോളം മോശപ്പെട്ടവനാണെന്നും ഞാൻ മനസ്സിലാക്കി അതുകൊണ്ട് തന്നെ ഞാൻ ഇവിടുന്നു പോകാൻ തീരുമാനിച്ചു
ജാനി :പോകാനോ
ജെയ്സൺ :അതേ ജാനി ഞാൻ എന്റെ അച്ഛന്റെയും അമ്മയുടേയും അടുത്തേക്ക്‌ പോകുകയാണ് മലേഷ്യയിലേക്ക് ഇനിയൊരിക്കലും ആർക്കുമോരും ശല്യമാകാൻ ഞാൻ ഇങ്ങോട്ടേക്ക്‌ വരില്ല ജാനി എല്ലാത്തിനും ഒരുപാട് സോറി
ജാനി :ജൈസാ
ജെയ്സൺ :ഇപ്പോൾ ശെരി ജാനി ഇന്ന്‌ ഉച്ചക്കാണ് ഫ്ലൈറ്റ് ഇനി നിന്റെ മുൻപിൽ വരാതിരിക്കാൻ ഞാൻ പരമാവധി ശ്രമിക്കാം
ഇത്രയും പറഞ്ഞു ജെയ്സൺ മുൻപോട്ടേക്ക്‌ നടന്നു