💥ചെറിയമ്മയുടെ സൂപ്പർഹീറോ💥[Till Epilogue] [Hyder Marakkar]

പക്ഷെ  നോ  രക്ഷ…. ഒരനക്കവുമില്ല…

“”””””നീയെന്താ  ഈ  നോക്കുന്നെ…. ഇപ്പൊ  തന്നെ  കുഞ്ഞ്  ഉള്ളിൽ  കിടന്ന്  അനങ്ങാനൊന്നും  പോണില്ല, അതിന്  ഇപ്പോ  ഒരു  അരിമണീടെ  അത്ര  വലിപ്പമേ  കാണു””””””

വയറ്റിൽ  ചെവി  ചേർത്ത്  വെച്ചു  നോക്കിയ  എന്റെ  തലയിൽ  തഴുകികൊണ്ട്  ദേവു  പറഞ്ഞു…

“””””അയ്യേ  അരിമണീടെ  അത്രയോ??”””””

ഞാൻ  വയറ്റിൽ  നിന്നും  മുഖം  പിൻവലിച്ചുകൊണ്ട്  ചോദിച്ചു.

“””””അല്ലാതെ  പിന്നെ  നീയെന്താ  കരുതിയെ, ആദ്യം  തന്നെ  തലയും  കയ്യും  കാലും  ഒക്കെയുള്ള  മൂന്ന്  നാല്  കിലോയുള്ള  വാവയാണ്  ഉണ്ടാവാ ന്നോ??”””””

മുഖം  ചുളിച്ചുകൊണ്ട്  ദേവു  എന്നെ  നോക്കി  ചോദിച്ചപ്പോൾ  ഞാനൊരു  ഇളിഞ്ഞ  ചിരി  പാസാക്കി…. കാരണം  ദേവു  പറഞ്ഞത്ര  ഇല്ലെങ്കിലും  ഈ  അരിമണീടെ  അത്ര  ചെറുതാവുമെന്നൊന്നും  എനിക്ക്  അറിയില്ലായിരുന്നു…

“””””എന്റീശ്വരാ…… ഈ  മണും  ചാണകവും  അറിയാത്ത  ചെക്കനാണല്ലോ  എന്റെ  കുഞ്ഞിന്റെ  അച്ഛൻ…….ഹോ”””””

ദേവു  ദയനീയമായി  അട്ടത്ത്  നോക്കി  ദൈവത്തോട്  പറയുന്നത്  പോലെ  പറഞ്ഞപ്പോ  ഞാൻ  പതിയെ  പിറുപിറുക്കുന്നത്  പോലെ  “”””മണും  ചാണകവും  അറിയാതോണ്ടാണല്ലോ  ആ  അരിമണി  പോലത്തെ  ഐറ്റം  വയറ്റിൽ  എത്തിയത്””””” എന്ന്  പറഞ്ഞു….

പക്ഷെ  പിറുപിറുത്തത്  അല്പം  ഉറക്കെ  ആയതുകൊണ്ട്  ദേവു  അത്  വ്യക്തമായി  കേട്ടു…