💥ചെറിയമ്മയുടെ സൂപ്പർഹീറോ💥[Till Epilogue] [Hyder Marakkar]

“”””ഇന്ന്  പോവണ്ട””””

ദേവു  കൊഞ്ചിക്കൊണ്ട്  പറഞ്ഞു… എന്റെ  ഭാര്യയുടെ  അധികം  കാണാത്ത  ഭാവം  പെട്ടെന്ന്  കണ്ടപ്പോൾ  ഞാൻ  അറിയാതെ  ചിരിച്ച്  പോയെങ്കിലും  രണ്ടാമതൊന്ന്  ആലോചിക്കാതെ  ഞാൻ  സമ്മതം  മൂളി….

ഓഫീസിൽ  പോവാനുള്ള  മടികൊണ്ട്  ഒന്നുമല്ല, ഈ  സമയത്ത്  ദേവു  എന്ത്  ആഗ്രഹം  പറഞ്ഞാലും  അത്  സാധിച്ച്  കൊടുക്കണമെന്ന്  ഡോക്ടറും  റോഷനും  എല്ലാം  പറഞ്ഞിട്ടുണ്ട്…. പിന്നെയീ  പാതിരാത്രി  പച്ചമാങ്ങ  വേണം, മസാലദോശ  വേണം  എന്നൊന്നും  പറഞ്ഞ്  എന്റെ  പൊണ്ടാട്ടി  എന്നെ  ഇതുവരെ  ബുദ്ധിമുട്ടിച്ചിട്ടില്ല, അപ്പോ  ഈയൊരു  ചെറിയ  ആഗ്രഹം  ഞാൻ  സാധിച്ച്  കൊടുക്കണ്ടേ… അതാണ്….

“””””എന്ത്  പറ്റി  ദേവൂസേ??””””

“”””””ഒന്നൂല്ല…. വാ  കുറച്ച്  നേരം  കൂടി  ഉറങ്ങാ…””””””

അത്  പറയുമ്പോൾ  ദേവൂന്  ഒരു  കൊച്ചു കുട്ടിയുടെ  ഭാവമായിരുന്നു… ഇനീപ്പം  വയറ്റിൽ  കുഞ്ഞിവാവ  ഉള്ളത്  കൊണ്ട്  അമ്മയും  ഇടയ്ക്ക്  കുഞ്ഞിനെ  പോലെ  ആവുന്നതാണോ  ആവോ…

“”””””ഒരു  കാര്യം  ചെയ്യ്,  വാവ  ഇവിടെ  കിടക്ക്…. ഞാൻ  പോയി  അമ്മൂനെ  ഒന്ന്  സെറ്റാക്കിയിട്ട്  വരാം”””””

എന്നും  പറഞ്ഞ്  ദേവൂന്റെ  നെറ്റിയിൽ  ഒരുമ്മയും  കൊടുത്ത്  ഞാൻ  എഴുന്നേൽക്കുമ്പോൾ  ദേവു  ചിണുങ്ങിയെങ്കിലും  “”””വേഗം  വരാ  വാവേ”””” ന്നും  പറഞ്ഞ്  ഞാൻ  അകന്ന്  മാറി…

എന്നിട്ട്  അടുക്കളയിൽ  പോയി  അരി കഴുകി  അടുപ്പത്ത്  വെച്ച  ശേഷം  രാവിലത്തെ  ഏറ്റവും  ബുദ്ധിമുട്ടേറിയ  ടാസ്കിലേക്ക്  ഞാൻ  കടന്നു…. അമ്മൂസിനെ  വിളിച്ച്  എഴുന്നേൽപ്പികൽ, പണ്ട്  ദേവു  പറഞ്ഞപ്പോഴൊന്നും  അത്  ഇത്ര  പണിയുള്ള