Posted by ഞാൻ ജാസിമിനെ വിളിച്ചു…
“എടാ നമ്മുടെ ദുആ പടച്ചവൻ കേട്ടെടാ..” ഞാൻ പറഞ്ഞു…
“എന്താ ഇക്കാ എന്താ പറയുന്നേ ”
“എടാ നിന്റെ ഇത്ത എഴുന്നേറ്റട… നീ വേഗം വാ ”
“ദാ എത്തി ഇക്കാ ” എന്ന് പറഞ്ഞു അവൻ ചിരിക്കുന്നത് കേട്ടു… എല്ലാർക്കും സന്ദോഷം… കുറച്ചു കഴിഞ്ഞപ്പോൾ പുറത്ത് ഒരു കാർ വന്ന് നിന്നത് അറിഞ്ഞു… ആഫി ആയിരുന്നു അവൾ പേടിച്ചു ആണ് അകത്തേക്ക് വന്നത്…
“എന്താ എന്ത് പറ്റി ”അവൾ ചോദിച്ചു… ഫൈസലും അഫ്നയും ഉണ്ടായിരുന്നു…
“വാ കാണിച്ച തരാം ” എന്ന് പറഞ്ഞു അവളേം പിടിച്ചു വലിച്ചുകൊണ്ട് റൂമിലേക്ക് പോയി…
ഞങ്ങൾ ചെല്ലുമ്പോൾ കാണുന്നത് ഉമ്മിടെ ദേഹത്തേക്ക് ചാരി കിടന്ന് കരയുന്ന ജാസ്മിനെ ആണ്… ആഫി അത് കണ്ടിട്ട് എന്നെ നോക്കി ചിരിച്ചു കൊണ്ട് കെട്ടിപിടിച്ചു…
“ഇത് വിളിച്ചപ്പോൾ പറഞ്ഞിരുന്നേൽ ഇത്രയും ടെൻഷൻ ആകേണ്ട കാര്യം ഇല്ലായിരുന്നു ” അവൾ എന്നെ കെട്ടിപിടിച്ചുകൊണ്ട് പറഞ്ഞു… എന്നിട്ട് വിട്ട് മാറി ജാസ്മിന്റെ അടുത്തേക്ക് പോയി…
“ഉമ്മി ഒന്ന് വരുമോ ” ഞാൻ ഉമ്മിയെ വിളിച്ചു…
“ഉമ്മി ഞാൻ പുറത്തേക്ക് പോകുവാ ഇന്ന് ഒരു പാർട്ടി ആയിക്കോട്ടെ… പിന്നെ എനിക്ക് അവളെ ഇഷ്ടമാണെന്ന് അവളോട് പറയണ്ട.. കല്യാണം കഴിഞ്ഞില്ല എന്ന് മാത്രം പറഞ്ഞാൽ മതി ”ഞാൻ ഉമ്മിയോട്‌ പറഞ്ഞു… ഉമ്മി തല ആട്ടി… ഞാൻ വേഗം ഡ്രസ്സ്‌ ഒക്കെ ചേഞ്ച്‌ ആക്കി.. പുറത്തേക്ക് ഇറങ്ങി ഫൈസൽ അവിടെ ഇരിപ്പുണ്ടായിരുന്നു…
“അളിയാ ഞാൻ ഒന്ന് പുറത്ത് പോയിട്ട് വരാം ” എന്ന് പറഞ്ഞു പുറത്തേക്ക് ഇറങ്ങി… ബൈക്ക് എടുത്തു… ബാലൻസ് ശെരിയാകാണില്ല… കുറച്ച് ഓടിച്ചപ്പോൾ ശെരിയായി…
ഞാൻ നേരെ ടൗണിൽ ചെന്നു ഫസ്റ്റ് ജുവലറിയിൽ കയറി… അവൾക്ക് ഒരു സർപ്രൈസ് ഗിഫ്റ്റ് വാങ്ങി… എന്നിട്ട് കേക്കും വാക്കി സാധനങ്ങളും വാങ്ങി വീട്ടിൽ എത്തി… അപ്പോൾ ഹാളിൽ എല്ലാരും കൂട്ടം കൂടി ഇരുന്നു സംസാരിക്കുകയാണ്… ജാസ്മിൻ എന്നെ ഒന്ന് നോക്കി… അവളുടെ കണ്ണുകളിൽ ഏതോ വശ്യത പോലെ… പക്ഷെ അവളുടെ കണ്ണുകളിലേക്ക് നോക്കാൻ എനിക്ക് ഏതോ പേടി പോലെ… ഞാൻ സാധനങ്ങൾ ഒക്കെ കൊണ്ട് വെച്ചിട്ട് അവരുടെ കൂടെ വന്ന് ഇരുന്നു…
“എന്നാ നമുക്ക് കേക്ക് മുറിച്ചാലോ ” അവർ എന്തൊക്കെയോ സംസാരിച്ചുകൊണ്ട് ഇരുന്നപ്പോൾ ഞാൻ പറഞ്ഞു…
“കേക്കോ.. അതിന് ഇന്ന് എന്താ ” ആഫി സംശയത്തോടെ ചോദിച്ചു..
“ഇന്ന് ഒരു സന്ദോഷം ദിവസം ആണ് അതുകൊണ്ട് ആണ് ” ഞാൻ പറഞ്ഞു…
“എന്നാ വാ മുറിച്ചേക്കാം, അല്ല ആരാ മുറിക്കുന്നെ ” ആഫി എന്നെ കുടുക്കുവാണെന്ന് എനിക്ക് മനസ്സിലായി