Posted by നല്ല തലവേദന.. കിടക്കട്ടെ.. അപ്പോ ബൈ.. ഗുഡ് നൈറ്റ്………..
🌀🌀🌀🌀🌀🌀🌀🌀🌀🌀
ഇതിന് ശേഷമുള്ള ഡയറിയിലെ പേജുകൾ കാലി ആയിരുന്നു…
പക്ഷേ നീതു ചേച്ചി പറഞ്ഞ് അതിഥിയുടെ ജീവിതത്തിൽ ശേഷം സംഭവിച്ച കാര്യങ്ങള് എനിക്ക് അറിയാമായിരുന്നു…
മാസങ്ങൾക്ക് ശേഷം അതിഥിയുടെ സ്വഭാവത്തിൽ കാര്യമായ മാറ്റങ്ങൾ വന്ന് തുടങ്ങിയപ്പോൾ ആണ് നീതു ചേച്ചി ഉൾപ്പടെ മറ്റുള്ളവർ എല്ലാം ഇക്കാര്യത്തെ കുറിച്ച് കൂടുതലായി ശ്രദ്ധിച്ച് തുടങ്ങിയത്…
എല്ലാവരോടും വളരെ ആക്ടീവ് ആയി സംസാരിച്ചിരുന്ന അതിഥി ആരോടും മിണ്ടാതെ ആയി.. രാവിലെ കോളേജിൽ പോകും വൈകുന്നേരം തിരിച്ച് വന്നാൽ മുറിയടച്ച് ഇരിക്കും.. അവധി ദിവസങ്ങളിലും അവള് മുറിക്കുള്ളിൽ തന്നെ ചിലവഴിച്ചു…
മകളുടെ കാര്യത്തിൽ ആശങ്ക വന്ന അതിഥിയുടെ അച്ഛൻ അവള് പഠിച്ചിരുന്ന കോളേജിൽ എത്തി അവിടെ അവൾക്ക് എന്തെങ്കിലും പ്രശ്നം ഉണ്ടോ എന്ന് അന്വേഷിച്ചു…
ഞെട്ടിക്കുന്ന വിവരങ്ങൾ ആണ് ആ പിതാവ് അവിടെ നിന്നും അറഞ്ഞത്..
ആഴ്ചകൾ ആയി അതിഥി കോളേജിൽ വരാറെ ഇല്ലായിരുന്നു…
കൂടുതൽ അസ്വസ്ഥൻ ആയ അതിഥിയുടെ അച്ഛൻ അവളുടെ ഉറ്റ കൂട്ടുകാരിയായ ശിൽപയെ കാണാൻ തീരുമാനിച്ചു…
ശിൽപയിൽ നിന്നും അദ്ദേഹം അതിലും ഭയാനകമായ വിവരങ്ങൾ ആണ് അറിഞ്ഞത്….
ഒന്നാമതായി അതിഥി ഇപ്പൊൾ ശിൽപയും ആയി അത്ര കൂട്ടില്ല എന്നും കോളേജിൽ വരാറില്ല എന്നും ആയിരുന്നു…
കെവിൻ റിച്ചാർഡ് എന്ന പേരിൽ അവൾക്ക് ഒരു സുഹൃത്ത് ഉണ്ട് എന്നും പക്ഷേ അവർ തമ്മിൽ ഉള്ള ബന്ധം എന്താണെന്ന് പറയാൻ തനിക്ക് കഴിയുന്നില്ല എന്നും ശില്പ മറുപടി നൽകി…
കൂടുതൽ സമയവും അവള് പബ്ബുകളിലും പാർട്ടികളിലും ആണെന്നും അവള് നല്ല രീതിയിൽ ഡ്രഗ്സും മറ്റ് ലഹരി വസ്തുക്കളും ഉപയോഗിക്കുന്നുണ്ട് എന്നും ശില്പ പറഞ്ഞു…