Posted by ” ചേച്ചി എന്താ ഏട്ടനെ കാണാൻ ആ റൂമിലേക്ക് വരാതെ ഇരുന്നത്?? വന്നിരുന്നേൽ മറ്റേ ചേട്ടനെ പരിചയപ്പെടായിരുന്നു. ഏട്ടന്റെ opponent. പുള്ളി നല്ല കൂൾ ആ പെട്ടന്ന് അടുക്കുന്ന ടൈപ്പ്. എന്തോ സത്യം പറയാല്ലോ ആ ചേട്ടൻ എനിക്ക് വളരെ പരിചയം ഉള്ളു ആരോ ആണെന്ന ഒരു വൈബ് ആയിരുന്നു. ” ആതു സുധിയെ കുറിച്ച് ആരതിയോട് വാചാല ആവുകയാണ്. അല്ല അവളുടെ രെക്ഷകനെ കാണാൻ അവൾ എന്താ വരാതെ ഇരുന്നേ?? ഇപ്പൊ വന്നാൽ എന്റെ ഭാര്യ ആണെന്ന് പറയേണ്ടി വരില്ലേ അതാവും. അല്ല ഞാനും അവനോടു പറഞ്ഞില്ലല്ലോ.
” അപ്പൊ ആതു എന്താ തീരുമാനം?? കണ്ടല്ലോ നല്ല ഇടികിട്ടും. ആലോചിച്ചു തീരുമാനം എടുക്കണം ” ഞാൻ ആതുവിനോഡ് ചോദിച്ചു.
” ഒന്നും ആലോചിക്കാൻ ഇല്ല. I’m in ” ആതു ഫുൾ പവറിൽ ആണ്. സൊ ദാറ്റ്‌സ് സെറ്റിൽസ് it. അങ്ങനെ അത് തീർന്നു. സുധി, ഇന്നലെ വരെ അവന്റെ മുഖം ഓർക്കുമ്പോഴേ ദേഷ്യം ആണ് വരുന്നത്. എന്നാ ഒറ്റ ദിവസം കൊണ്ട് എല്ലാം മാറി മറിഞ്ഞു. സത്യത്തിൽ ലാസ്റ്റ് റൗണ്ടിൽ ഞങ്ങൾ മനസ്സ് തുറന്ന് സംസാരിക്കുകയായിരുന്നു. Language ഓഫ് ഫിസ്റ്റ്.
ഇനി ഇപ്പൊ അവൾ കീർത്തന പ്രകാശ്. സത്യത്തിൽ അവൾ ആരാണ് എന്ന് ഇപ്പൊ എനിക്ക് ചെറിയ ഒരു ഊഹം ഉണ്ട്, പക്ഷെ ആ ഊഹം തെറ്റ് ആവണേ എന്നാണ് ഞാൻ പ്രാർത്ഥിക്കുന്നത്. എന്തോ അന്ന് അവളെ കണ്ടപ്പോഴേ എനിക്ക് ഇറിറ്റേഷൻ തോന്നിയിരുന്നല്ലോ, പിന്നീട് അവളെ കുറിച്ച് ആലോചിക്കുമ്പോൾ എല്ലാം എന്റെ മനസ്സിലേക്ക് വേറെ ഒരാളുടെ മുഖം ആണ് ഓടി വരുന്നത് ഞാൻ ഇനി ഒരിക്കലും കാണാൻ ഇടവരരുതേ എന്ന് ആഗ്രഹിക്കുന്ന ഒരു മുഖം. എന്തായാലും അവൾ ആരെന്നു ഉടനെ കണ്ടു പിടിക്കാം അല്ലോ. എന്ന് മനസ്സിൽ ഓർത്തു കൊണ്ട് ഞാൻ നന്ദുവിനെ ഒന്ന് നോക്കി.
എന്തായാലും നാല് ദിവസം ദാ എന്ന് പറയും പോലെ കഴിഞ്ഞു, നന്ദുവിന്റെ മാച്ച് അതികം പാട് പെടാതെ തന്നെ നന്ദു ജയിച്ചു. വൈകുന്നേരം ഞങ്ങൾ, ഞാനും നന്ദുവും അനന്ദുവും ദീപുവും ഒക്കെ ആയി old house ൽ ഒത്തു കൂടി. മാച്ച് ജയിച്ചതിന്റെ ചെലവ്.
” എന്താണ് നിന്റെ പ്ലാൻ?? ” നന്ദു ആണ്.
” നമ്മൾ ഇന്ന് ഇവിടെ കൂടുന്നു, നാളെ രാവിലെ എഴുന്നേറ്റു ഞാനും നീയും അവളുടെ നാട്ടിലേക്ക് വിടുന്നു, അവിടെ അവളെ പറ്റി അന്വേഷിക്കുന്നു അവൾ ആരാണ് എന്താണ് അവൾക്ക് അച്ഛനും ആയി ഉള്ള ബന്ധം, എന്നൊക്കെ അറിഞ്ഞിട്ട് ബാക്കി തീരുമാനം എടുക്കാം ” ഞാൻ അത് പറഞ്ഞപ്പോ നന്ദു ഒന്ന് മൂളുക മാത്രേ ചെയ്തുള്ളു.
” യാത്രയെ കുറിച്ച് അങ്കിളിനോട് പറഞ്ഞോ?? ” നന്ദു.
” മാച്ച് ജയിച്ചതിന്റെ സന്തോഷം ആഘോഷിക്കാൻ ഒരു ട്രിപ്പ്. അത്രേ അച്ഛനോട് പറഞ്ഞുള്ളു. കാര്യം കല്യാണം കഴിഞ്ഞു കുറച്ച് ദിവസം അല്ലേ ആയുള്ളൂ ഒറ്റക്ക് ഒരു ട്രിപ്പ് ഒന്നും പോവണ്ട എന്ന് പറഞ്ഞു അച്ഛൻ ഒടക്കും എന്നാ ഞാൻ വിചാരിച്ചത്. പക്ഷെ അച്ഛൻ എതിർത്ത് ഒന്നും പറഞ്ഞില്ല വെറുതെ ഒന്ന് മൂളിയതെ ഉള്ളു ” അത് കേട്ടപ്പോ നന്ദുവും ഒന്ന് മൂളി.
” അല്ല നീ സുധിയെ വിളിക്കുന്നുഎന്ന് പറഞ്ഞിട്ട്?? അവൻ വരുന്നില്ലേ?? ” വിഷയം മാറ്റാൻ എന്നോളം നന്ദു ചോദിച്ചു.