Posted by ചേച്ചി എൻ്റെ അടുത്തിരുന്നിട്ടു ചോദിച്ചു, ഞാൻ കിളവി അല്ലെന്നു നീ പറഞ്ഞത് കാര്യമായിട്ടാണോ, ചേച്ചിയുടെ മുഖത്തൊരു സംശയ ഭാവം. ഞാൻ ആ മുഖത്തേക്ക് നോക്കി പറഞ്ഞു, ഇത്രേം ഐശ്വര്യമുള്ള ഒരു മുഖം ഈ നാട്ടിൽ ഞാൻ വേറെ കണ്ടില്ല, ചേച്ചി ഇപ്പോഴും സുന്ദരിയാണ്, ഇച്ചിരെ കണ്ണൊക്കെ ഒന്ന് എഴുതിയാൽ കല്യാണപെണ്ണിനെക്കാളും സുന്ദരി ചേച്ചിയായിരിക്കും.
എൻ്റെ പുകഴ്ത്തൽ ഇഷ്ടപ്പെട്ടെന്നു തോന്നി, ചേച്ചി എന്നെ നോക്കി ഒന്ന് ചിരിച്ചു. നിനക്കിഷ്ടപെട്ടോ എന്നെ എന്നൊരു മറുചോദ്യം. പിന്നെ ഇഷ്ടപ്പെടാതെ എന്ന് പറഞ്ഞു ഞാൻ എത്തി ആ കവിളിൽ ഓരുമ്മ കൊടുത്തു. ചേച്ചി എന്നെ തള്ളിമാറ്റി തെമ്മാടി എന്നും പറഞ്ഞ് എഴുന്നേറ്റു.
വാ, നമുക്ക് ഭക്ഷണം ഉണ്ടാക്കണം, രാത്രി അല്ലെ വിശന്നു കിടക്കേണ്ടി വരും. ഞങ്ങൾ അടുക്കളയിലേക്കു നടന്നു. ചപ്പാത്തി മതിയോ കണ്ണാ, ഞാൻ തലയാട്ടി. ചേച്ചി എന്നെ കണ്ണാ എന്ന് വിളിച്ചിരിക്കുന്നു, ഞാൻ മനസ്സിൽ ഒന്ന് സന്തോഷിച്ചു. ചേച്ചി പെട്ടെന്ന് ചപ്പാത്തിക്കുള്ള മാവു കുഴച്ചു, ഞാൻ സ്ലാബിൽ കയറി ഇരുന്ന് ചേച്ചി പണി എടുക്കുന്നതും നോക്കി ഇരുന്നു.
ചപ്പാത്തിയും ചുട്ട് ഒരു കിഴങ്ങുകറിയും ഉണ്ടാക്കി ഞങ്ങൾ കഴിക്കാൻ ഇരുന്നു. സാറെവിടെ ചേച്ചീ എന്ന് ചോദിച്ചപ്പോൾ എവിടെയോ പോയി എന്ന് പറഞ്ഞു. എവിടെപ്പോയതാ എന്നറിയില്ലേ എന്ന ചോദ്യത്തിന് എന്നോട് കൃത്യമായൊന്നും പറയാറില്ല, ആരെയോ കാണാനുണ്ടെന്നു പറഞ്ഞു രാവിലെ പോയതാണെന്ന് പറഞ്ഞു.
ഭക്ഷണം കഴിഞ്ഞു ഞങ്ങൾ സ്വീകരണമുറിയിൽ ഇരുന്നു കുറച്ചു നേരം ടീവി കണ്ടു, എന്തോ ഹിന്ദി പരിപാടിയാണ്. ഇരുന്നു മടുത്തപ്പോൾ ഞാൻ ചേച്ചിയുടെ മടിയിലേക്കു തല വെച്ച് കിടന്നു. ചേച്ചി എൻ്റെ തലയിൽ തഴുകികൊണ്ട് ടീവി കണ്ടുകൊണ്ടിരുന്നു. പെട്ടെന്ന് ചേച്ചി തട്ടിവിളിച്ചപ്പോഴാണ് കണ്ണ് തുറന്നതു, ഞാൻ ഉറങ്ങിപ്പോയിരുന്നു.
വാതിലിൽ ആരോ ശക്‌തിയായി തട്ടുന്നുണ്ട്, സാറായിരിക്കും എന്ന് പറഞ്ഞ് ചേച്ചി വാതിൽ തുറക്കാൻ പോയി, ഞാൻ എഴുന്നേറ്റിരുന്നു. സോമൻ സാറായിരുന്നു, ആൾ നല്ല ഫോമിലാണ്, നിന്ന് ആടുന്നുണ്ട്, ഹരിയോ ഇതെപ്പോ വന്നു ഇരിക്ക് കേട്ടോ, ഞാൻ ഇപ്പൊ വരാമെന്നു പറഞ്ഞു അകത്തേക്ക് പോയി, കൂടെ ചേച്ചിയും.
എന്തോ തട്ടിപ്പിടഞ്ഞ് വീഴുന്ന ശബ്ദം കേട്ടാണ് അകത്തേക്ക് ചെന്നത്. നോക്കിയപ്പോൾ സാർ അവിടെ വീണു കിടക്കുന്നു, ചേച്ചി എഴുന്നേൽപ്പിക്കാൻ നോക്കുന്നുണ്ട്. ഡ്രസിങ് ടേബിളിൻ്റെ മുകളിലേക്കാണ് വീണതെന്ന് തോന്നുന്നു, അവിടിരുന്നു സാധനങ്ങളൊക്കെ നിലത്തു ചിതറിക്കിടക്കുന്നു. ഞാൻ ചെന്ന് സാറിനെ വലിച്ചെഴുന്നേൽപ്പിച്ഛ് കട്ടിലിലേക്ക് കിടത്തി. സാർ ബോധം കേട്ട് കിടക്കുന്നു, ചേച്ചി കരയുന്നുണ്ട്. ഞാൻ നിലത്തു കിടന്ന സാധനങ്ങളൊക്കെ പെറുക്കി അടക്കി വെച്ച് ചേച്ചിയോട് ഇറങ്ങുന്നു എന്നും പറഞ്ഞ് പുറത്തേക്കിറങ്ങി. പാവം ചേച്ചി എന്നോർത്ത് ഞാൻ റൂമിലേക്ക് നടന്നു.
വാതിലടച്ചു കിടന്നിട്ടും ഉറക്കം വന്നില്ല, പുറത്താരോ ഉണ്ടെന്നു തോന്നി കതകു തുറന്നു. നോക്കിയപ്പോൾ ചേച്ചിയാണ്, അകത്തേക്ക് കയറി വന്നു. നന്നായി കരഞ്ഞ ലക്ഷണം, കണ്ണുകൾ കലങ്ങിയിരിക്കുന്നു. ഞാൻ ആ കൈകൾ പിടിച്ഛ് സോഫയിലേക്കിരുത്തി, അടുത്തിരുന്നു.