💥ചെറിയമ്മയുടെ സൂപ്പർഹീറോ 3💥[Hyder Marakkar]

റൂമിലേക്ക് നടക്കുന്നതിനിടയിൽ എന്റെ ചിരി കേട്ടതും പെണ്ണ് തിരിച്ച് വന്ന് ടിവിയും ഓഫ്‌ ചെയ്ത്, എന്റെ പുറത്തിട്ട് ഒരു കുത്തും തന്നിട്ട് തിരിച്ച് പോയി, സന്തോഷം……….

അമ്മു പഠിക്കാൻ പോയതും ദേവു വന്ന് എന്റെ എടുത്ത് സോഫയിൽ ഇരുന്നു

“എന്തിനാ ദേവു അതിനെ ഇങ്ങനെ വെറുപ്പിക്കുന്നത്”

“നീ വല്യ വർത്താനം പറയാൻ നിക്കണ്ട, ഹാ ഏട്ടനെ കണ്ടല്ലേ അനിയത്തി പഠിക്കുന്നത്”

“ആ….ബെസ്റ്റ്…..ഇനി എന്റെ മേലേക്ക് കേറ്”
പിന്നെ കുറച്ച് നേരം രണ്ടുപേരും ഒന്നും മിണ്ടിയില്ല, ഞാൻ എഴുന്നേറ്റ് പോയി ടിവി ഓൺ ചെയുമ്പോൾ ദേവു ഫോണിൽ തോണ്ടി ഇരുപ്പാണ്.

“മീറ്റിംഗിൽ എന്താ പറഞ്ഞത്”

“എന്ത് പറയാനാടാ…….. വാർഷികാഘോഷത്തിനെ പറ്റി ആയിരുന്നു ഫുൾ ചർച്ച”

“എന്നിട്ട് എന്തായി…… ഇത്തവണ ഗസ്റ്റ് ഉണ്ടോ??”

“ആ അറിയില്ല…അതൊന്നും ഉറപ്പിച്ചിട്ടില്ല, പിന്നെ ഒരു കാര്യം ഉണ്ട് മോനെ…. 2ബി ല് പുതിയ താമസക്കാര് അടുത്താഴ്ച വരും”
2ബി ഞങ്ങടെ നേരെ ഓപ്പോസിറ്റ് ആണ്, അവിടെ കുറച്ച് കാലമായി ആൾതാമസം ഇല്ല, ആ പുതിയത് വരാൻ പോവുന്നത് നല്ല ആരെങ്കിലും ആയാൽ മതിയായിരുന്നു.

“ഫാമിലി ആയിരിക്കും ലേ….”

“ആ… ഫാമിലിക്ക് മാത്രം അലെ ഇവിടെ കൊടുക്കു”

അങ്ങനെ പിന്നെയും ഞങ്ങൾ പലതും സംസാരിച്ചിരുന്നു, അമ്മു പഠിത്തം കഴിഞ്ഞ് വന്നിട്ട് ഡിന്നറും കഴിച്ച് ഞാൻ റൂമിൽ കയറി വാതിൽ അടച്ചു.

റൂമിൽ തനിച്ചായപ്പോൾ ആണ് സുഹറിതയെ പറ്റി ഓർമ്മ വന്നത്, രാവിലെ പ്രതീക്ഷിക്കാതെ ദേവു കയറി വന്നപ്പോൾ ബായ് പറഞ്ഞ് പോയതാണ്,

ഫോൺ എടുത്ത് വാട്സാപ്പിൽ ഇത്തയ്ക്കു ഒരു ഹായ് അയച്ചു, പുള്ളിക്കാരി ഓൺലൈൻ ഇല്ല, കുറച്ച് നേരം ഇൻസ്റ്റയും യൂട്യൂബും ഒക്കെ നോക്കിയിരുന്നു, എന്നിട്ടും ഇത്തയുടെ മെസ്സേജ് ഒന്നും വന്നില്ല, പിന്നെ ഉറക്കം വന്നപ്പോൾ ഒരു ഗുഡ്നൈറ്റ് കൂടി അയച്ചിട്ട് കിടന്ന് ഉറങ്ങി

രാവിലെ പതിവുപോലെ ദേവു വന്ന് വാതിലിൽ മുട്ടുന്ന ശബ്ദം കേട്ടാണ് ഞാൻ എഴുന്നേറ്റത്. പല്ലും തേച്ച് ദേവു തന്ന ചായയും എടുത്ത് റൂമിലേക്ക് വന്നപ്പോഴാണ് ഫോൺ എടുത്ത് നോക്കിയത്, നെറ്റ് ഓൺ ആക്കിയപ്പോൾ അതാ ഇത്തയുടെ രണ്ടു മൂന്ന് മെസ്സേജുകൾ വന്നിട്ടുണ്ട്
*ഗുഡ്മോർണിംഗ്
സോറി രാത്രി ഫോൺ നോക്കിയില്ല….
😉😉😉 *

ഇത്രയും ആയിരുന്നു ഇത്ത അയച്ചത്