Posted by “മര്യാദക്ക് ആ സാധനത്തിനെ ഒഴിവാക്കിക്കോ..ഞാൻ ഇനി നിന്നെ അവളുടെ കൂടെ കണ്ടാൽ ഉണ്ടല്ലോ .”
മഞ്ജു ഒന്ന് നിർത്തി എന്നെ നോക്കി പല്ലിറുമ്മി .
“ഹാഹ്..എന്നുവെച്ചു അത് ഇവിടുത്തെ ടീച്ചർ അല്ലെ ..ഒന്ന് നിക്കേടോ എന്ന് പറഞ്ഞാൽ എങ്ങനാ ഓടി പോകുന്നെ ?”
ഞാൻ സംശയത്തോടെ അവളെ നോക്കി .
“അതൊന്നും എനിക്കറിയണ്ട ..അവളിനി നിന്നെ കുറിച്ച് വല്ല വേണ്ടാതീനവും എന്റെ അടുത്ത് വന്നു പറഞ്ഞാൽ ..മോനുസിന്റെ കാര്യം കഷ്ടാവും “
എന്റെ കവിളിൽ തഴുകി കൊണ്ട് അവൾ ചിരിയോടെ പറഞ്ഞു. എന്റെ മോന്തക്കിട്ട് പൊട്ടിക്കും എന്നാണ് ആ പറഞ്ഞതിന്റെ അർഥം എന്നെനിക്ക് മനസിലായി !
“ഓ..പിന്നെ ..”
ഞാൻ മുഖം തിരിച്ചു.
“ഒരു പിന്നേം ഇല്ല …അവളോട് ഒരു ഇടപാടും വേണ്ടെന്നു ഞാൻ പറഞ്ഞതല്ലേ “
മഞ്ജു എന്നെ ദേഷ്യത്തോടെ നോക്കി .
“ശെടാ..എനിക്ക് ദേഷ്യം വരുന്നുണ്ട് ..എന്ന മഞ്ജുസിനു ഉള്ള കാര്യം അതിനോട് തുറന്നു പറഞ്ഞൂടെ “
ഞാൻ പുരികം ഉയർത്തി അവളെ നോക്കി .
“പറ്റൂല മോനെ…അവളെങ്ങാനും ഇതറിഞ്ഞ…കോളേജിൽ മൊത്തം ഫ്ലാഷ് ആവും..പിന്നെ ഞാൻ നാട് വിടുന്നത് ബുദ്ധി .. “
മഞ്ജു ചിരിയോടെ പറഞ്ഞു.
“അഹ്..അപ്പൊ പിന്നെ വേറെ മാർഗം ഒന്നുമില്ല ..അതിങ്ങനെ ചുറ്റി പറ്റി നിന്നോട്ടെ , എന്നെ എന്താ മഞ്ജുസിനു വിശ്വാസമില്ലേ ?..”
ഞാൻ ഒഴുക്കൻ മട്ടിൽ ചോദിച്ചു ..
“ഇല്ല. അവളെ തീരെയും ഇല്ല .”