Posted by ഞാൻ ബസ് ഒകെ പിടിച്ചു കോളേജിൽ എത്തുമ്പോൾ ശ്യാം പാർക്കിംഗ് സൈഡിൽ തന്നെ ഉണ്ട് . അവൻ മതിലിന്മേൽ ഇരുന്നു ഞങ്ങളുടെ കോമ്മൺ ഫ്രെണ്ട്സ് ആയിട്ടുള്ള ചിലരോട് ബഡായി അടിക്കുന്നുണ്ട്.
ഞാൻ തോളിലെ ബാഗ് ഊരി കയ്യിൽ പിടിച്ചുകൊണ്ട് അവന്റെ അടുത്തേക്ക് ചെന്നു. പിന്നെ പതിവ് പോലെ ഞാനും ആ വെടിവട്ടത്തിൽ കൂടി . വഴിയേ പോണ പിള്ളേരെ ഞൊട്ട ഇട്ടു വിളിച്ചു കമന്റ് അടിക്കുന്നതൊക്കെ സ്ഥിരം ഏർപ്പാട് ആണ് . ചില പെണ്ണുങ്ങൾ തിരിച്ചും പറയും. ചമ്മി നാറാൻ അത് തന്നെ ധാരാളം ആണ് . അതുകൊണ്ട് നോക്കിയും കണ്ടുമൊക്കെ മാത്രമേ ആ പരിപാടി ഉള്ളു . അയ്യോ പാവങ്ങളുടെ അടുത്തെ കളി നടക്കത്തുള്ളൂ !
ഞങ്ങൾ അങ്ങനെ ഇരിക്കെ ആണ് മഞ്ജുവിന്റെ കാർ വിദൂരതയിൽ നിന്നും ഒഴുകി വരുന്നത് കണ്ടത് .
“അളിയാ നിന്റെ കുഞ്ചൂസ് എത്തിയല്ലോ “
ശ്യാം എന്റെ അടുത്തേക്ക് നീങ്ങി തോൾ കൊണ്ട് എന്റെ തോളിൽ തട്ടികൊണ്ട് പറഞ്ഞപ്പോഴാണ് ഞാൻ അങ്ങോട്ടേക്ക് നോക്കുന്നത് .
“ഓ..ദൈവമേ ഇന്ന് ഫസ്റ്റ് പിരീഡ് മഞ്ജു അല്ലെ ?”
ഞാൻ ഒന്ന് ഞെട്ടിക്കൊണ്ട് ചോദിച്ചു.
“അതിനെന്താ ?’
അവൻ ഒന്നും മനസിലാകാത്ത പോലെ ചോദിച്ചു .
“ഒന്നുമില്ല..ഇന്നലെ ഞാൻ പ്രിൻസിയോട് പോലും പറയാതെയാ ഉച്ചക്ക് മുങ്ങിയത് ..മഞ്ജുവിനും അറിയാം കാര്യം..ഇനി അതിന്റെ പേരില് ഉണ്ടാക്കുമോ എന്തോ..ഇന്നലെ തന്നെ കുറെ ഉപദേശം വിളമ്പി “
ഞാൻ പതിയെ പറഞ്ഞു..
“ഓ..പിന്നെ..നീ മിസ്സുമായി നല്ല കമ്പനി അല്ലെ.പിന്നെന്താ ഇത്ര പേടിക്കാൻ “
ശ്യാം പറഞിരിക്കെ മഞ്ജുവിന്റെ കാർ പാർക്കിംഗ് സൈഡിലോട്ടു വന്നു കയറി . ഇന്റികേറ്റർ ഒകെ ഇട്ടു ശബ്ദം ഉണ്ടാക്കി റിവേഴ്‌സ് വന്നു കറക്റ്റ് പൊസിഷനിൽ മഞ്ജു വണ്ടി കൊണ്ട് വന്നു നിർത്തി ഇറങ്ങി !
സ്വല്പം അയഞ്ഞ ചുരിദാർ ആണ് . മഞ്ഞ നിറത്തിലുള്ള ചുരിദാർ ഫുൾ സ്ലീവ് ആണ് . കഴുത്തിന്റെ ഭാഗത്തു സ്കൈ ബ്ലൂ നിറത്തിൽ എംബ്രോയിഡറി വർക്കുകൾ ഉണ്ട്. ഷാളും പാന്റും ഇളം നീല നിറം ആണ് . പാന്റ് സ്കിൻ ഫിറ്റ് പോലെ ആണ് . ഒരു വെള്ള നിറമുള്ള ചപ്പലും കാലിൽ കിടപ്പുണ്ട് . മുടി ഒകെ ചീകി പുറകിൽ വിടർത്തി ഇട്ടു ക്ലിപ്പ് ചെയ്തു വെച്ചിട്ടുണ്ട് . മുന്നിലേക്ക് ഒന്ന് രണ്ടു മുടിയിഴ നെറ്റിയിലേക്കായി വീണു കിടക്കുന്നുണ്ട്…