Posted by പറഞ്ഞു തുടങ്ങിയപ്പഴേ ഇത് എങ്ങോട്ടാണെന്ന് മനസിലായത് കൊണ്ട്‌ ആശ്ചര്യം ഒന്നും തോന്നിയില്ല. പക്ഷേ മനസ്സിൽ വല്ലാത്ത ഭാരം കൂടുക മാത്രമാണ് ചെയ്തത്. ഞാൻ മിണ്ടാതെ ഗ്ലാസ്സിൽ നോക്കിയിരുന്നു.
“ഡാലിയയ്ക്ക്—” അഭിനവ് തുടങ്ങി.
“പ്ലീസ്… നമുക്ക് എന്നെ കെട്ടിക്കാനുള്ള ടോപ്പിക്ക് ഒഴിവാക്കാം.” അല്‍പ്പം കടുപ്പിച്ച് ഞാൻ പറഞ്ഞതും അവർ നാലുപേരും പരസ്പ്പരം നോക്കി.
“സോറി ബ്രോ. നീയും ഞങ്ങളെ പോലെ എല്ലാ സുഖവും സന്തോഷവും അനുഭവിച്ച് ജീവിക്കണം എന്ന ആഗ്രഹം കൊണ്ട്‌ പറഞ്ഞതാണ്.” അന്‍സാര്‍ പറഞ്ഞു.
“സോറി ഒന്നും വേണ്ട.” പുഞ്ചിരിച്ചു കൊണ്ട്‌ ഞാൻ പറഞ്ഞു. “നിങ്ങൾ നല്ലത് മാത്രം ഉദ്ദേശിച്ചാണ് പറഞ്ഞതെന്നറിയാം. പക്ഷേ അതിനെ കുറിച്ചൊന്നും ചിന്തിക്കാൻ എനിക്ക് കഴിയുന്നില്ല.”
അതിനുശേഷം ഫ്രാന്‍സിസ് പെട്ടന്ന് ടോപ്പിക്ക് മാറ്റി. അവന്റെ പതിവ് ടോപ്പിക്കായ സെക്സ് തന്നെയായിരുന്നു. ഒരു കൂസലുമില്ലാതെ, മിനി അവനെ കൊണ്ട്‌ എന്തൊക്കെ ചെയ്യിച്ചു എന്നും മിനി അവനെ എന്തൊക്കെ ചെയ്തു എന്നും വിവരിച്ചാണ് അവന്‍ പറഞ്ഞത്.
എന്റെ കണ്‍ട്രോള്‍ ശെരിക്കും പോയി. പക്ഷേ എങ്ങനെയോ ഞാൻ സഹിച്ചിരുന്നു. അവസാനം വല്യച്ചനും അങ്കിളും കേറി വന്നതോടെ അവന്റെ കഥ പറച്ചില്‍ നിന്നു.
“ഞങ്ങളെ ഒഴിവാക്കീട്ട് നല്ല പരിപാടി ആണല്ലോ ഇവിടെ..!!” വല്യച്ചൻ എല്ലാവരെയും ഇരുത്തിയൊന്ന് നോക്കി.
“അങ്ങനെയൊന്നുമില്ല വല്യയച്ചാ. നിങ്ങള്‍ക്ക് വേണ്ടി ഒരു കുപ്പി മാറ്റി വച്ചിട്ടുണ്ട്.” അന്‍സാര്‍ പറഞ്ഞു.
“കുപ്പി മാറ്റി വച്ചിട്ട് എന്തു കാര്യം. എല്ലാവരും ഒരുമിച്ച് കൂടുന്നതിലാണ് കാര്യം.” അങ്കിള്‍ പറഞ്ഞു.