Posted by
” ഓ പിന്നേ…ചോദിക്കാൻ പറ്റിയ ഒരു മുതല്…പോടാ ”
അവളെന്റെ കൈയ്യിൽ ഒരു അടി തന്ന ശേഷം കുണുങ്ങി ചിരിച്ചുകൊണ്ട് പറഞ്ഞു…
” അതെന്താടി അങ്ങനൊരു ടെല്ലിംങ്ങ്…നീ ഇത്രയും നുള്ളിയും തല്ലിയും നോവിക്കുമ്പോളും നിന്നെ തിരിച്ച് വേദനിപ്പിക്കാതെ പരസ്പരത്തിലെ സൂരജ് ദീപ്തി ഐപിഎസിനെ സ്നേഹിക്കുമ്പോലെ സ്നേഹിക്കുന്ന എനിക്കൊരു കുറവ്… ”
ഞാൻ അവളെ നോക്കി ഒന്ന് കണ്ണൂരുട്ടി കൊണ്ട് ചോദിച്ചതും അവള് കെടന്ന് ചിരിക്കാൻ തൊടങ്ങി…അതോടെ ഞാൻ അതിന്റെ വാ കേറി പൊത്തിപ്പിടിച്ചു…
” മിണ്ടാതിരിയടി ലവന്മാരൊക്കെ കെടക്കുവാ…ഏല്ലാരേം എഴുന്നേൽപ്പിക്കുവോ… ”
ഞാൻ പിള്ളാര് കിടക്കുന്ന ഭാഗം ചൂണ്ടിക്കാട്ടി പറഞ്ഞതും അവൾക്കും കാര്യം കത്തി അതോടെ ഇച്ചിരി പാട് പെട്ടിട്ടാണേലും അത് ചിരി ഒന്ന് നിർത്തി…അതോടെ ഞാനും അവൾടെ വാ പൊത്തിയ കൈയ്യെടുത്തു…
” പിന്നെ ഒരു പാവം വന്നേക്കുന്നു…അന്ന് ഈ കരണത്ത് ഒന്ന് തന്നതോർമ്മയുണ്ടോ..അതിന്റെ ഓർമ്മ ഇപ്പോഴും ഉണ്ട്… ”
അവളെന്തോ ഓർത്തപ്പോലെ അവളുടെ കവിള് തലോടി കാണിച്ചു കൊണ്ടെന്നോട് പരാതി പറയും പോലെ പറഞ്ഞു…
” അയ്യോ സോറി മോളെ അത് അന്നൊരു ആവേശത്തിൽ…അതിന് പകരമായി ചേട്ടനാ കവിളിൽ ഒരു ഉമ്മ തരട്ടെ… ”
ഞാനൊരു കള്ളഭാവത്തോടെ അവളുടെ അടുത്തേക്ക് ചേർന്നു നിന്നു
” അയ്യടാ അങ്ങനിപ്പൊ ചേട്ടൻ പകരം വീട്ടണ്ടാട്ടോ… ”
അവളെന്റെ മൂഖ് പിടിച്ച് ഒരു വശത്തേക്ക് തള്ളിയ ശേഷം ഒരു പുഞ്ചിരിയോടെ പറഞ്ഞു…
” പക്ഷെ തൊട്ടടുത്ത നിമിഷം ഞാനവളുടെ ചുണ്ടിൽ ഒരു ഉമ്മ കൊടുത്തു… ”
പ്രതീക്ഷിക്കാത്തത് ആയത് കൊണ്ട് അവളൊരു നിമിഷം ഞെട്ടിയെങ്കിലും പിന്നെ അതൊരു പുഞ്ചിരിയിലേക്ക് വഴിമാറി…
” കൊരങ്ങൻ…. പോ അവിടുന്ന് ഞാൻ പോവ്വാ… ”
ആ ചിരിമായാതെ അവളെൻ്റെ താടിക്കൊരു തട്ട് തന്ന ശേഷം പോകാൻ ഒരുങ്ങി…
” ശ്ശേ…പോകുവാണോ… ”
ഞാൻ അവളെ നോക്കി പിള്ളാരെ കണക്കെ ചോദിച്ചു
” പിന്നേ മോനെ പോലെ ചുമ്മാ വരുന്നതല്ല ഇവിടെ… ചേച്ചിക്കിവിടെ ജോലിയുണ്ട് കേട്ടോ…ഒന്ന് കാണണം എന്ന് പറഞ്ഞു കണ്ടു..അപ്പൊ പൊന്ന് മോൻ ചെന്നുറങ്ങിയാട്ടെ… “