” ഗുഡ്മോണിങ് ആൻ്റി… ”
അവരുടെ അടുത്തെത്തിയതും ശ്രീ അമ്മയെ നോക്കി പറഞ്ഞു
” ആ ഗുഡ് മോണിംഗ്… വിശേഷങ്ങൾ ഒന്നും പറയാനില്ലല്ലോ എന്നാ നിന്ന് സമയം കളയാതെ എല്ലാം വീട്ടിപോയി വേഗം കോളേജിലേക്ക് പോകാൻ നോക്ക്… ”
അമ്മ ഞങ്ങളെ നോക്കി പറഞ്ഞു
” ഇങ്ങളെന്താണ് ആൻ്റി..
കോളേജ് അവിടുന്ന് ഏടേമ് പോകുവൊന്നൂലാലോ….. ”
അമ്മയുടെ മറുപടി കേട്ട് നന്ദു ചിരിയോടെ പറഞ്ഞു
” ആണോ… അതെനിക്കൊരു പുതിയറിവാടാ…നീ പറഞ്ഞത് നന്നായി… ”
അവനെ കളിയാക്കുകയെന്നോണം അമ്മ പറഞ്ഞു
” ഇങ്ങളോട് പറഞ്ഞു ജയിക്കാൻ ഞമ്മക്കാവില്ലേ… ”
അമ്മയെ നോക്കി ചിരിച്ചു കൊണ്ടതും പറഞ്ഞവൻ എന്നെ നോക്കി തുടർന്നു…
” ഡാ… ഞാൻ ശ്രീയോടൊപ്പം പോവ്വാ… ഇവൻ്റെ വീട്ടീന്ന് ഒരു സാധനം എടുക്കാനുണ്ട്…. ”
അതും പറഞ്ഞ് അവന്മാര് മെല്ലെ നീങ്ങി
” നിനക്കെന്താടാ ഒരു ഏനക്കേട് പോലെ… ”
അതുവരെ ഒന്നും മിണ്ടാതിരുന്ന എന്നെ നോക്കി അമ്മ പറഞ്ഞു..
” ഹേയ്… എന്ത്… ഞാൻ പോവ്വാ… “