സീത: അങ്ങനെയൊരു ഇടം നോക്കി പോയാൽ കൊന്നുകളയും ഞാൻ. ചായ എടുത്തു തരാൻ ആണ് ഞാൻ ഉള്ളത്. എൻറെ മോൻ ഇങ്ങോട്ട് വാ, ചായ ഞാൻ തരാം.
എൻറെ കയ്യിൽ കയറി പിടിച്ചു വലിച്ച് അകത്തേക്കു പോയി. ഇതെല്ലാം കണ്ട് അമ്മയും അനിയനും അനിയത്തിയും ചിരിക്കുന്നുണ്ടായിരുന്നു. സീത അടുക്കളയിൽ കയറി ചായ വെച്ചു, എല്ലാവർക്കും കൊണ്ടുവന്നു കൊടുത്തു. ഞാൻ ചായയുമായി എൻറെ മുറിയിലേക്ക് പോകാൻ തുടങ്ങിയപ്പോൾ
സീത: അവിടെ ഇരിക്കു മാഷേ, ഇവിടെ എല്ലാവരും കൂടി ഇരുന്ന് വർത്തമാനം പറഞ്ഞു ചായ കുടിച്ചാൽ മതി. ഒറ്റയ്ക്ക് ആ മുറിയിൽ പോയി മുനിയെ പോലെ ഇരിക്കേണ്ട കാര്യമുണ്ടോ. സൂര്യയേയും കൊണ്ട് നമുക്കു പോകാം, മൂന്നാല് ദിവസം ക്ലാസ്സില്ല എന്ന് പറയുന്നത് കേട്ടു, ഇല്ലേ സൂര്യേ.
അവൾ അതെ എന്ന രീതിയിൽ തലയാട്ടി.
ഞാൻ: അതിന് അവൾ അമ്മയെ വിട്ടു വരുമോ?
സീത: അതൊക്കെ ഞാൻ കൊണ്ടു പോയി കൊള്ളാം..
സൂര്യ അമ്മയെ നോക്കുന്നുണ്ട്.
അമ്മ: നീ പൊയ്ക്കോ മോളെ, ഇവർ ഇങ്ങോട്ട് പോരുമ്പോൾ നിനക്കും പോരാമല്ലോ മൂന്നാല് ദിവസത്തെ കാര്യമല്ലേ.
സൂര്യ മനസ്സില്ലാ മനസ്സോടെ സമ്മതിച്ചു, എന്നാലും അവളുടെ മുഖത്തിന് ഒരു തെളിച്ചം ഇല്ലായിരുന്നു. അമ്മയെ വിട്ട് അവൾ എങ്ങോട്ടും മാറി നിന്നിട്ടില്ല, പിന്നെ സീത വിളിച്ച് സ്ഥിതിക്ക് പോകാതിരിക്കാനും പറ്റില്ല.
രാവിലെ തന്നെ കാപ്പികുടി കഴിഞ്ഞ് ഞങ്ങൾ ഇറങ്ങി, സൂര്യ കരഞ്ഞുകൊണ്ടാണ് വണ്ടിയിൽ കയറിയത്. സൂര്യ കരയുന്നതിനാൽ, സീതയും സൂര്യയും പുറകിലാണ് കയറിയത്. സീത സൂര്യയെ സമാധാനിപ്പിച്ചു കൊണ്ടിരുന്നു. വണ്ടി കുറച്ചങ്ങു നീങ്ങിയപ്പോൾ സൂര്യയുടെ വിഷമങ്ങൾ ഒക്കെ മാറിത്തുടങ്ങി. അവളും സീതയും സംസാരിച്ചു തുടങ്ങി, വീട് എത്തുന്നതുവരെ രണ്ടുപേരും നോൺ സ്റ്റോപ്പായി സംസാരിച്ചുകൊണ്ടേയിരുന്നു. ഇടയ്ക്ക് നിൻറെ പുറത്ത് സീത അടിച്ചുകൊണ്ടിരുന്നു. ഉറക്കം വരാതിരിക്കാൻ ഉള്ള തന്ത്രമാണ്. വീടെത്തിയപ്പോൾ ചേച്ചി വന്നു സൂര്യയെ വിളിച്ചു അകത്തേക്ക് കൊണ്ടുപോയി. സീത സൂര്യയുടെ ഡ്രസ്സ് ബാഗ്, സീതയുടെ മുറിയിൽ കൊണ്ടുപോയി വെച്ചു. ദിവസങ്ങൾ ഇങ്ങനെ കടന്നുപോയി. വെള്ളിയാഴ്ച ഉച്ചക്ക് ശേഷം ഞാൻ ഓഫീസിൽ നിന്നിറങ്ങി, വീടെത്തിയപ്പോൾ സീതയും സൂര്യയും റെഡിയായി നിന്നിരുന്നു. അങ്ങോട്ടുള്ള വിരുന്നിൻ്റെ ഭാഗമായി പോവുകയാണ്. അച്ഛൻ സീതയുടെ അച്ഛനോട് വിളിച്ചു പറഞ്ഞിരുന്നു, അതുകൊണ്ട് സീതയേയും കൂട്ടി ഞങ്ങൾ പുറപ്പെട്ടു. വീട്ടിലെത്തിയപ്പോൾ പന്തല് ഇട്ടിട്ടുണ്ട്, ഏറ്റവുമടുത്ത ഒന്നുരണ്ട് ബന്ധുക്കളും വന്നിട്ടുണ്ട്. എൻറെ കൂടെ വേറൊരു പെണ്ണിനെ കണ്ടപ്പോൾ എല്ലാവരും നോക്കുന്നുണ്ട്. സീതയെ കണ്ടപ്പോൾ അമ്മ അടുത്തേക്ക് വന്നു, മറ്റുള്ളവർക്ക് സീതയെ പരിചയപ്പെടുത്തി.
അമ്മ: ഇതാണ് പെണ്ണ്.
ബന്ധുക്കളിൽ ഏതോ ഒരു പെണ്ണ് പറയുന്നുണ്ട് “നല്ല കതിര് പോലത്തെ പെണ്ണ്, അജയന് ഭാഗ്യമുണ്ട് നല്ല സുന്ദരിയാണ്” ഇതുകേട്ടപ്പോൾ സീത എൻറെ കയ്യിൽ വന്ന ഒരു നുള്ള് തന്നു, എന്നിട്ട് കേട്ടോ എന്ന് കണ്ണുകൊണ്ട് കാണിച്ചു. ഞങ്ങൾ അകത്തേക്ക് പോയി, എൻറെ മുറി ആരോ കൈയടക്കി. സീത എൻറെ കയ്യിൽ നിന്നും ബാഗ് വാങ്ങി സൂര്യയുടെ മുറിയിൽ കൊണ്ടുപോയി വെച്ചു. അഞ്ചോ ആറോ ചെറിയ കുട്ടികളുമുണ്ട് ഇവിടെ വന്നിട്ടുള്ള ബന്ധുക്കളുടെ ആണ്. ഞാൻ കുളിച്ചു വന്നു, അച്ഛൻ വന്നപ്പോൾ എല്ലാവരും കൂടിയിരുന്ന് ഭക്ഷണം കഴിച്ചു. ഞാൻ സീതയോട് പറഞ്ഞു.
ഞാൻ: ഞാൻ, എൻറെ ഫ്രണ്ടിൻറെ വീട്ടിൽ പോവുകയാണ്. രാവിലെ വരാം.
സീത മനസ്സില്ലാ മനസ്സോടെ സമ്മതിച്ചു. രണ്ടു ദിവസം അങ്ങനെ കഴിച്ചുകൂട്ടി, വിരുന്ന് കഴിഞ്ഞ് അവരോടൊപ്പം ഞാനും സീതയും തിരുവനന്തപുരത്തേക്ക്