കാമയക്ഷി 2 [ആര്യൻ]

Posted by

“എടാ ഇന്നലെ മോൾടെ birthday അല്ലായിരുന്നോ…അപ്പൊ എന്റെ വക ഒരു ഉടുപ്പ് കൊടുത്തേക്കാം..നീ മേടിച്ചോ കാശ് ഞാൻ വരുമ്പം തരാം…”

“ആഹ് ശെരി..”

കോൾ കട്ട്‌ ചെയ്തതിനു ശേഷം അവൻ ബൈക്ക് എടുത്ത് അടുത്തുള്ള ഒരു ചെറിയ ടെക്സ്റ്റൈൽസിൽ പോയി ഉടുപ്പ് മേടിച് രവിയേട്ടന്റെ വീട്ടിലേക്ക് പോയി…

രവിയേട്ടന്റെ വീടിന്റെ മുറ്റത്തേക്ക് ബൈക്ക് കയറ്റുമ്പോൾ കണ്ടു പുറത്ത് തന്നെ കാത്തിരിക്കുന്ന രവിയേട്ടനെ…

പക്ഷെ എപ്പോഴും തമാശപ്രിയനായ രവിയേട്ടന്റെ മുഖത്ത് പതിവില്ലാതെ ഗൗരവം നിറഞ്ഞു നിന്നു..

“നീ വാ…നമുക്ക് കിണറിന്റെ അങ്ങൊട് പോവാം..കുറച്ചു സംസാരിക്കാൻ ഉണ്ട്..”…വീട്ടിലേക്ക് കയറാൻ നിന്ന എന്നോട് രവിയേട്ടൻ പറഞ്ഞു…

ഗൗരവമുള്ള എന്തോ ഒന്നാണ് എന്ന് മനസ്സിലാക്കിയ അജയൻ ഒന്നും മിണ്ടാതെ പറമ്പിലുള്ള കിണറിന്റടുത്തേക്ക് രവിയേട്ടന് പുറകെ നടന്നു…..

“എന്താ ഏട്ടാ….??… എന്താ കാര്യം…? “..ലക്ഷ്യ സ്ഥാനത്തെത്തിയിട്ടും മൗനമായി നിന്ന രവിയോട് അജയൻ ചോദിച്ചു….

“എടാ ഞാൻ ചോദിക്കാൻ പോകുന്നതിനോട്‌ നീ സത്യസന്ധമായി മറുപടി പറയണം…”

“ഹ്മ്മ്..”..കാരണമറിയാത്ത ഒരു ഭയം തന്നിൽ ഉടലെടുക്കുന്നത് അജയൻ അറിഞ്ഞു…

“നിങ്ങൾ തമ്മിൽ എന്തേലും പ്രശ്നം ഉണ്ടോ ”

“ഞങ്ങളോ…ഞാനും ഗോപികയും തമ്മിലാണോ..? ”

“ആ..ഉണ്ടോ ? ”

“ഇല്ല..”

“ആലോചിച്ച് പറ….നീയും ഗോപികയും തമ്മിലോ…അല്ലെങ്കിൽ ഗോപികയും ദേവുമോളും തമ്മിലോ…? ”

“ഞാനും ഗോപികയും തമ്മിൽ ചെറിയ ചെറിയ സൗന്ദര്യ പിണക്കങ്ങൾ ഉണ്ടാകാറുണ്ട്…എന്നാലും അത്ര വല്യ പ്രശ്നങ്ങൾ ഒന്നൂല്ല…”

“ഹ്മ്മ്..”..പിന്നെയും രവിയേട്ടൻ എന്തോ ആലോചിച്ചെന്നപോലെ മിണ്ടാതെ നിന്നു…

“എന്താ ഏട്ടാ…കാര്യം പറ… ഇനിയും എന്നെ ഇങ്ങനെ ടെൻഷൻ അടിപ്പിക്കല്ലേ…”…നിക്കക്കള്ളിയില്ലാതെ അജയൻ രവിയേട്ടന്റെ ചുമലിൽ കൈ വച് ചോദിച്ചു…അവന്റെ ശബ്ദം ചെറുതായി ഇടറുന്നുണ്ടായിരുന്നു…

“എടാ…ഞാൻ പറയാം…

Leave a Reply

Your email address will not be published. Required fields are marked *