❤️അനന്തഭദ്രം 10❤️ [രാജാ]

Posted by

 

അല്പം മുന്നിലേക്ക് കയറി നിന്നു കൊണ്ട് അയാൾ പറഞ്ഞു തുടങ്ങി….

 

“‘ഇന്ന് വൈകുന്നേരം ഭദ്ര കുഞ്ഞിനേയും ഈ കുട്ടിയേയും ഞാൻ അവിടെ വന്ന് കണ്ടിരുന്നു….. സുരേന്ദ്രൻ സാറിന്റെ വീട്ടിൽ….”‘

 

“”എന്തിന്… നിങ്ങൾക്കെങ്ങനെയാ എന്നെയും ഇവരെയും പരിചയം…””

 

“”പതിനഞ്ച് വർഷം മുന്നേയുള്ള പരിചയമാണ്….നിങ്ങളുമായിട്ടല്ല….ഭദ്ര മോളുടെ അച്ഛൻ രാമചന്ദ്രനുമായിട്ട്….ഞങ്ങൾ സുഹൃത്തുക്കളായിരുന്നു…….. രാമന്റെ മരണശേഷം ഞാൻ ഈ നാട് വിട്ടു….ഇന്ന് ഞാൻ ഈ നാട്ടിൽ എത്തിയത് ഭദ്ര കുഞ്ഞിനെ കാണാൻ വേണ്ടി മാത്രമാണ്….എല്ലാ കുറ്റങ്ങളും ഏറ്റു പറഞ്ഞ് ആ കുട്ടിയുടെ കാലിൽ വീണ് മാപ്പ് ചോദിക്കാൻ….വർഷങ്ങളായി എന്നെ പിന്തുടരുന്ന കുറ്റബോധത്തിൽ നിന്നും കുറച്ചെങ്കിലും ആശ്വാസം കിട്ടാൻ വേണ്ടിയായിരുന്നു അത്….

 

അത് പറയുമ്പോൾ വിങ്ങിപ്പൊട്ടുകയായിരുന്നു ആ മനുഷ്യൻ…

 

“എനിക്കൊന്നും മനസ്സിലാകുന്നില്ല….നിങ്ങൾ എന്തിനാണ് ഭദ്രയോട് മാപ്പ് ചോദിക്കുന്നത്… അതിന് നിങ്ങൾ എന്താ തെറ്റാ അവളോട് ചെയ്തത്…..””

 

“”അന്ന്,, പതിനഞ്ച് വർഷങ്ങൾക്ക് മുൻപ്….ആ നശിച്ച രാത്രി….ഭദ്ര കുഞ്ഞിനോട് ഞാൻ ചെയ്ത ദ്രോഹം അത്രയ്ക്കും വലുതായിരുന്നു സർ…..പാപിയാണ് ഞാൻ,,മഹാപാപി…..കാശിന് വേണ്ടി സ്വന്തം സുഹൃത്തിനെയും കുടുംബത്തെയും ഒറ്റു കൊടുത്ത വഞ്ചകൻ….. ഭദ്ര കുഞ്ഞിന്റെ അച്ഛന്റെയും അമ്മയുടെയും പിഞ്ചനിയന്റെയും മരണത്തിനു ഉത്തരവാദി ഞാനാണ്…….എനിക്ക് സ്വപ്നം പോലും കാണാൻ സാധിക്കാത്ത അത്രയും പണം തന്ന് എന്നെ കൊണ്ട് എല്ലാം ചെയ്യിച്ചത് നടേശനാണ്…

Leave a Reply

Your email address will not be published. Required fields are marked *