Soul Mates 4 [Rahul RK]

Posted by

 

“അതിനു അവളുടെ കൂട്ടുകാരികൾ ഒക്കെ നേരത്തെ പോയെടാ.. ഇനി അവള് തനിച്ച് വേണം പോവാൻ…”

 

“ഞാൻ ഇല്ലെങ്കിലും അവള് പോവണ്ടെ.. അതോണ്ട് അവള് തനിയെ പോയികോളും.. ”

 

അടുത്തതായി അമ്മ എന്തെങ്കിലും പറയുന്നതിന് മുന്നേ ആതിര ചാടി കയറി പറഞ്ഞു…

 

“വേണ്ട ആൻ്റി.. എൻ്റെ കൂടെ അച്ഛൻ വരാം എന്ന് പറഞ്ഞിട്ടുണ്ട്.. ”

 

“ആണോ എന്നാ ശരി മോളെ…”

 

പിന്നെ ഒന്നും പറയാൻ നിൽക്കാതെ ഞാൻ അവിടെ നിന്ന് ഹാളിലേക്ക് പോന്നു…

 

ഉച്ച ഭക്ഷണം ആവുന്ന വരെ വെയിറ്റ് ചെയ്യണം നല്ല വിശപ്പും ഉണ്ട്… ഒന്ന് നടന്നു വരാൻ വേണ്ടി ഞാൻ പുറത്തേക്ക് ഇറങ്ങി…

 

കായലിൻ്റെ കരയിലൂടെ നടക്കുമ്പോൾ ആണ് ഫോണിൽ മെസ്സേജ് വന്നത്.. നോക്കിയപ്പോൾ നീതു ചേച്ചി ആയിരുന്നു…

 

“ബിസി അല്ലെങ്കിൽ ഒന്ന് വിളിക്കാമോ…”

 

മെസേജ് കണ്ടതും ഞാൻ ചേച്ചിയെ വിളിക്കാൻ തീരുമാനിച്ചു.. നമുക്ക് എന്ത് തിരക്ക്…

ആദ്യ ബല്ലിൽ തന്നെ ചേച്ചി ഫോൺ എടുത്തു…

 

“ആ വിനൂ.. നീ തിരക്കിൽ ആയിരുന്നോ..??”

 

“അല്ല ചേച്ചി.. എന്തോന്ന് തിരക്ക് ഞാൻ ഇങ്ങനെ നടക്കാൻ ഇറങ്ങിയതായിരുന്നു…”

 

“അത് ശരി.. അല്ല എന്തായെടാ നിൻ്റെ ജോലി കാര്യം ഒക്കെ വല്ലതും സെറ്റ് ആയോ..??”

 

“ആ ചേച്ചി ദേ ഒരു അരമണിക്കൂർ മുന്നേ ആണ് എല്ലാം സെറ്റ് ആയത്.. സ്ഥലം എവിടെ ആണെന്ന് കേട്ടാൽ ചേച്ചി ഞെട്ടും…”

 

“എവിടെ ആടാ..?? യുഎസ് ഇൽ വല്ലതും ആണോ..??”

 

“അവിടെ ഒന്നും അല്ല ചേച്ചി..”

Leave a Reply

Your email address will not be published. Required fields are marked *