ഫ്രണ്ട്ഷിപ് 2 [അത്തി]

Posted by

തന്നെ ആലോചിച്ചു ഇരുന്നു. അമ്മയും അച്ഛനും ഇല്ല, അവരെ പിണക്കി കെട്ടിയ പെണ്ണാണെങ്കിലോ അതിലും കേമം, എല്ലാം എബിയ്ക്കു വേണ്ടി അല്ലെ. അവന്റെ കല്യാണം കഴിയുമ്പോൾ ദൂരോട്ടു ട്രാൻസ്ഫർ വേടിച്ചു പോകാം,അമ്പലം അടക്കുന്നതിനു മുമ്പ് ഒന്ന് കൂടി കയറി തൊഴുതു. പിന്നെയും ആൽമര ചുവട്ടിൽ തന്നെ വന്നിരുന്നു. ഞാൻ അവിടെ കിടന്നു ഉറങ്ങി, പിന്നെ പത്ത് മണി കഴിഞ്ഞപ്പോൾ ആണ് എഴുന്നേറ്റത്. ഫോണെടുത്തു നോക്കിയപ്പോൾ എബിയുടെയും അങ്കിലിന്റെയും ആന്റിയുടെയും നമ്പറിൽ നിന്നു ശരിക്കു കാൾ വന്നിട്ടുണ്ട്.

ഞാൻ എബിയെ വിളിച്ചു, എടാ ഞാൻ അമ്പലത്തിൽ ആണ് ഇവിടെ കിടന്നു ഉറങ്ങിപ്പോയി.

അവൻ ഫോണിൽ കൂടി എന്തൊക്കെയോ ചീത്ത വിളിച്ചു പറഞ്ഞു,

എടാ ഞാൻ ദ വരുന്നു. ഇതും പറഞ്ഞു ഞാൻ വണ്ടിയുമെടുത്ത നേരെ വീട്ടിലേക്ക് പോയി. എല്ലാരും ഫ്രണ്ടിൽ തന്നെ ഉണ്ട്. ഞാൻ വണ്ടിയിൽ നിന്നും ഇറങ്ങി വന്നതും എബി വന്നു എന്നെ പിടിച്ചു തള്ളി കൊണ്ട്

എടാ മൈരേ എവിടെ പോയി കിടക്കെരുന്നു …വിളിച്ച ഫോണും എടുക്കത്തില്ല…മനുഷ്യൻ ഇവിടെ കിടന്നു തീ തിന്നുകയായിരുന്നു.

എടാ ഞാൻ ഉറങ്ങിപ്പോയി, ഞാൻ ഇളിച്ചോണ്ട് പറഞ്ഞു.

നീ ഇളിക്കലെ…. നിനക്ക് എന്താ പതിവില്ലാതെ ഓരോ സ്വഭാവങ്ങൾ.

ഒന്നുമില്ലെടാ ഞാൻ അമ്മയെ കണ്ടിരുന്നു, അമ്മയും ദേഷ്യപ്പെട്ടു പോയി, അതൊക്കെ ഓർത്തു നിന്നങ്ങു ഉറങ്ങി പോയി.

എബി – അതൊക്കെ ശരിയാകുമെടാ…

ശരിയാകും…അല്ലെങ്കിൽ ശരിയാക്കണം..

ഞാൻ അകത്തോട്ടു കയറി, കൈയും മുഖവും കഴുകി വരുമ്പോഴേക്കും ട്രീസ എന്നെ നോക്കി പേടിപ്പിച്ചോണ്ടിരിപ്പുണ്ട്. ഇവളുടെ നോട്ടം കണ്ടാൽ തോന്നും ഇവളാണ് എന്റെ കെട്ട്യോനെന്ന്…എന്റെ കഷ്ടകാലം.

അങ്ങനെ ഭക്ഷണവും കഴിച്ചിട്ട് ഞാൻ മുറിയിലേക്ക് പോയി, അങ്കിളിന്റെ മുഖം കണ്ടാൽ അറിയാം എന്തോ സംസാരിക്കാൻ ഉണ്ടെന്നു, ഞാൻ അത് കാര്യമാക്കിയില്ല.

ബെഡ്‌റൂമിൽ കയറി, ക്രിക്കറ്റ്‌ കാണാമെന്നു വിചാരിച്ചു , മണി പതിനൊന്നു ആവാറായി, ഇനി രണ്ടോ മൂന്നോ ഓവർ കൂടിയേ ഉള്ളൂ, അങ്ങനെ അവസാന ഓവർ എത്തി ജയിക്കാൻ പതിനൊന്നു റൺസ്,ആര് ജയിക്കുമോ എന്തോ.. ഫസ്റ്റ് രണ്ടു ബോൾ ഡോട്ട്.. പക്ഷെ ബൌളിംഗ് ടീം ജയിക്കും എന്ന് പറയാൻ വയ്യ, അടുത്ത ബോൾ ലോങ് ഓണിലേക്ക് ഉയർത്തി അടിച്ചു,

ഇന്ന് ഏതവളെ വീട്ടിൽ ആയിരുന്ന, ഇന്നലെ കെട്ടു കഴിഞ്ഞതേ ഉള്ളൂ… ഇന്ന് തന്നെ പെണ്ണ് പിടിക്കാൻ ഇറങ്ങിയല്ലോ…അപാര തൊലി കട്ടി തന്നെ.

മ്…. ആ പന്ത് സിക്സ് ആയിരുന്നു. അതിൽ ശ്രദ്ധിച്ചിരുന്ന ഞാൻ ഇവൾ പറയുന്നത് കേട്ടില്ല.

പെണ്ണ് പിടിയൻ, നാണം കെട്ടവൻ, കാലൻ..,

അടുത്തത് ഫോർ.. യാ…ഇപ്പൊ ജയിക്കും ഞാൻ ആവേശത്തിൽ പറഞ്ഞതും അവൾ എന്റെ ഫോണെടുത്തു എറിഞ്ഞു, ആ ദേഷ്യത്തിൽ ഞാൻ അവളെ പിടിച്ചു തള്ളി, അവൾ പോയി വീണു.നെറ്റി ചെറുതായി കട്ടിലിന്റെ കാലേൽ തട്ടി, അവളുടെ വയ്പ്പ് കാലും ഇളകി പോയി. തറയിൽ നിന്നു എഴുനേൽക്കാൻ ബുദ്ധിമുട്ടുന്നുണ്ട്.എനിക്ക് വല്ലാത്ത കുറ്റബോധം തോന്നി, ഞാൻ പോയി അവളുടെ കൈയിൽ പിടിച്ചു എഴുനേൽപ്പിക്കാൻ ശ്രമിച്ചു.

വിടെടാ…ചെറ്റേ…എന്നെ തള്ളി താഴയിട്ടിട്ട്…വന്നു പിടിക്കുന്നോ…

സോറി.. ഞാൻ അറിയാതെ…. എന്റെ കണ്ണൊക്കെ നിറഞ്ഞു.

നിർത്തെടാ നിന്റെ ഡ്രാമ….

Leave a Reply

Your email address will not be published. Required fields are marked *