🏝️ സ്വർഗ്ഗ ദ്വീപ് 8🏝️ [അതുല്യൻ]

അവൾ കണ്ണുകൾ പതിയെ തുറന്ന് ഒന്ന് രണ്ട് വട്ടം കണ്ണുകൾ ചിമ്മി. അവൾ ചാടി എഴുനേറ്റിരുന്ന് ചുറ്റും നോക്കി എവിടെ ആണ് ഉള്ളത് എന്ന് തിരിച്ചറിഞ്ഞത് അവളുടെ മുഖ ഭാവത്തിൽ നിന്ന് മനസ്സിലായപ്പോൾ ആദിത്യൻ അവളെ നോക്കി ചിരിച്ചു.

അവൾ ആകെ ചമ്മി തിരിച്ച് കിടക്കയിലേക്ക് കിടന്ന് കൊണ്ട് പുതപ്പ് എടുത്ത് തലവഴി മൂടി. അവൾ പുതപ്പിന്റെ അടിയിൽ കിടന്ന് മുരളുന്ന ഒച്ച ആദിത്യൻ കേട്ടു. അവൾ പുതപ്പ് തലയിൽ നിന്ന് പതുക്കെ മാറ്റി ഒരു കണ്ണ് മാത്രം തുറന്ന് ദാഹം കാരണം ചുണ്ടുകൾ നാവ് കൊണ്ട് നനച്ചു.

“സമയം എത്ര ആയി?.” ക്ഷീണം കാരണം തീരെ ഒച്ച കുറച്ച് പ്രിയ ചോദിച്ചു.

“ഏഴ് മണി ആവാറായി.” ആദിത്യൻ ചിരിച്ച് കൊണ്ട് പറഞ്ഞു.

“നീ വ്യായാമത്തിന് പോകാൻ വൈകി.” അവൾ പെട്ടെന്ന് പറഞ്ഞു. ഇന്നലെ കുടിച്ചതിന്റെ പരിണിത ഫലം കാരണം തല രണ്ട് കൈയ് കൊണ്ടും അമർത്തി പിടിച്ച് കൊണ്ട് അവൾ പറഞ്ഞു. “എന്റെ ദൈവമേ.”

“ഞാൻ വ്യായാമം ചെയ്ത് കഴിഞ്ഞു ഇന്നത്തെ സമയ ക്രമംവും നോക്കി. ഭക്ഷണം കഴിക്കാൻ പോകാൻ ഇനിയും ഒരു മണിക്കൂർ സമയം കൂടി ഉണ്ട് അത് കൊണ്ട് ധൃതി പിടിക്കേണ്ടാ. നിനക്ക് ഇപ്പോൾ എങ്ങനെ ഉണ്ട്?.” ആദിത്യൻ പുഞ്ചിരിച്ച് കൊണ്ട് ചോദിച്ചു.

“ഭയാനകം.” പ്രിയ മുഖം ചുളിച്ച് കൊണ്ട് പറഞ്ഞു.

“നിനക്ക് വെള്ളം വേണോ?.” അവളുടെ കൈയ്യിലേക്ക് വെള്ളത്തിന്റെ കുപ്പി വച്ച് കൊടുത്ത് കൊണ്ട് ആദിത്യൻ ചോദിച്ചു.

പ്രിയ ഒന്ന് നെടുവീർപ്പിട്ട് കൊണ്ട് കുപ്പി തുറന്ന് പകുതിയോളം വെള്ളം ഒറ്റയിരുപ്പിന് കുടിച്ച് തീർത്തു. അവൾ കുപ്പി വായിൽ നിന്ന് എടുത്ത് ആദിത്യനെ നോക്കി ചിരിച്ച് കൊണ്ട് പറഞ്ഞു. “നന്ദി.”

“നിനക്ക് ഇന്നലത്തെ കാര്യം എന്തെങ്കിലും ഓർമ്മ ഉണ്ടോ?.” ആദിത്യൻ ചിരിച്ച് കൊണ്ട് ചോദിച്ചു.

പ്രിയ ഒന്ന് മുരണ്ട്‍ കൊണ്ട് ആലോചിച്ചു അവൾ മുഖം കൊണ്ട് ഗോഷ്ട്ടി കാണിക്കുന്നത് ആദിത്യൻ കണ്ടു. ഇന്നലത്തെ കാര്യങ്ങൾ ഓർമ്മ വന്നപ്പോൾ അവളുടെ മുഖം ചുവന്ന് തുടുത്തു. “ഞാൻ ശെരിക്കും അടിച്ച് പൂസായിരുന്നു അല്ല. നമ്മൾ ഇന്നലെ . . . .?.”

“ഇല്ല.” ആദിത്യൻ പെട്ടെന്ന് അവൾക്ക് ഉറപ്പ് നൽകി. “ഒരിക്കലും അങ്ങനെ നടന്നിട്ടില്ല. മനസ്സിലായോ?.”

അവൾ അത് കേട്ട് നെഞ്ചത്ത് കൈയ് വച്ച് ഒരു ധീർഘ നിശ്വാസം വിട്ട് കൊണ്ട് പറഞ്ഞു. “അങ്ങനെ ഒന്നും ചെയ്യാതെ . . . ഇരുന്നതിന് . . . നന്ദി.” അവൾ ഒരു കണ്ണ് അടച്ച് അവനെ നോക്കി കൊണ്ട് വിട്ട് വിട്ട് പറഞ്ഞു. “ആ സമയത്ത് ഞാൻ നിന്നോട് വേണ്ടായെന്ന് പറയില്ലായിരുന്നു.”

“ഇല്ല. നീ അപ്പോൾ വേണ്ടായെന്ന് പറയില്ലായിരുന്നു.” ആദിത്യൻ ചിരിച്ച് കൊണ്ട് പറഞ്ഞു. “രാത്രി ഇവിടെ വന്ന് കിടന്ന് നീ എന്നോട് . . . . ബന്ധപ്പെടാൻ . . . . പറഞ്ഞു.” ആദിത്യൻ പുഞ്ചിരിച്ച് കൊണ്ട് കാര്യങ്ങൾ വിശദീകരിച്ചു.

“ഞാൻ അങ്ങനെ പറഞ്ഞില്ല.” അവൾ പെട്ടെന്ന് പറഞ്ഞു. കുറച്ച് നിമിഷം ആലോചിച്ചതിന് ശേഷം അവൾ ഒരു ചമ്മിയ മുഖത്തോടെ ചോദിച്ചു. “ഞാൻ അങ്ങനെ പറഞ്ഞിരുന്നു അല്ലെ?.”

“നീ അന്നേരം അങ്ങനെ പറയുന്നത് കേൾക്കാൻ നല്ല രസം ഉണ്ടായിരുന്നു. നിനക്ക് ഇപ്പോൾ കുളിക്കാൻ ബാത്ടബ്ബ്‌ ആണോ ഷവർ ആണോ വേണ്ടത്?.”

“ബാത്ടബ്ബ്‌ ശെരിയാക്കാമോ.” അവൾ കണ്ണുകൾ അടച്ച് കൊണ്ട് മടി ഉള്ള ഒരു കുഞ്ഞിനെ പോലെ പറഞ്ഞു. “നല്ല ചൂട് വേണം.”

“കുപ്പിയിൽ ഉള്ള വെള്ളം മുഴുവൻ കുടിച്ച് തീർക്ക്. നിന്റെ ശരീരത്തിൽ വെള്ളത്തിന്റെ അളവ് ഇപ്പോൾ തീരെ കുറവ് ആയിരിക്കും.” ആദിത്യൻ ബാത്റൂമിലേക്ക് പോകുമ്പോൾ പ്രിയയോട് പറഞ്ഞു.