😈Game of Demons 4 [Demon king]

Posted by

രാധമ്മ: പിന്നെ നീ എന്തിനാ ആ ഓഫീസിൽ പോയേ… ഇത്രയും നല്ല അവസരം കിട്ടിയിട്ടും അതൊക്കെ കളഞ്ഞ് അവിടെ പോയി അടിമപ്പണി എടുക്കേണ്ട കാര്യം ഉണ്ടായിരുന്നോ…

അത് പറഞ്ഞപ്പോൾ അവിടെ ഉണ്ടായിരുന്ന ചിരി ഊതികെടുത്തി..

അഞ്ചു അമ്മയുടെ കയ്യിൽ ഒന്ന് മുറുകെ പിടിച്ച് വേണ്ട എന്ന് പറഞ്ഞു.

എന്നാൽ രാധമ്മ എല്ലാവരെയും സംശയത്തോടെ നോക്കി.

മനു അവിടെ ഇരിക്കുന്നത് ശരിയല്ല എന്ന് അവന് മനസ്സിലായി. പതിയെ അവൻ അവിടുന്ന് എഴുന്നേറ്റ് സിറ്റ്ഔട്ടിലേക്ക് പോയി.

അവൻ പോയി കഴിഞ്ഞപ്പോൾ അച്ഛൻ ആ ആക്‌സിഡന്റിന്റെ കാര്യവും പിന്നെ അവൻ ആ കമ്പനിയിൽ എത്തിയ കാര്യവും അവന്റെ അവസ്ഥയും എല്ലാം പറഞ്ഞു.

ആതിയും രാധമ്മയും ആകെ വിഷമിച്ചിരിക്കുകയാണ്.

 

‘അമ്മ: അഞ്ജുവും രാധയും ആതിയും ഒക്കെ വന്നതിന് ശേഷം ആണ് ഞങ്ങടെ പഴയ മനുവിനെ ഞങ്ങൾക്ക് കാണാൻ കഴിഞ്ഞത്.

രാധമ്മ: നിനക്ക് ഏതെന്നോട് ആദ്യമേ പറയാർന്നില്ലേ അഞ്ചു….

നിറഞ്ഞ കണ്ണുമായി രാധമ്മ അഞ്ജുവിനോട് പറഞ്ഞു.

അഞ്ചു : അത് പിന്നെ ‘അമ്മ….. ഇതൊക്കെ അറിഞ്ഞാൽ ‘അമ്മ ഈ ബന്ധത്തിന് സമ്മതിക്കുമോ എന്ന് പേടിച്ചത്കൊണ്ടാ…

അവൾ വിക്കി വിക്കി ഉത്തരം പറഞ്ഞു.

രാധമ്മ: ആ… നന്നായി… എന്റെ മോൾ എന്നെക്കുറിച്ചു ഇങ്ങനെ ഒക്കെ ആണ് ധരിച്ചു വച്ചേക്കുന്നെ…. എല്ലാവരും ഉണ്ടായിട്ടും ആരും ഇല്ലാത്തവളെ പോലെ ജീവിച്ചവള ഞാൻ…. ആ എനിക്ക് ഇന്റെ കുട്ടിടെ വിഷമം ഒരു പ്രശ്നമായി തോന്നും എന്ന് നീ കരുതി അല്ലെ….

 

രാധമ്മ വിതുമ്പികൊണ്ടാണ് അത് പറഞ്ഞത്. അതിര അവിടുന്ന് എഴുന്നേറ്റ് പുറത്തേയ്ക്ക് പോയി.

നിറ കണ്ണുകളുമായി അഞ്ചു തല താഴ്ത്തിയാണ് നിൽക്കുന്നത്.

‘അമ്മ: മതി രാധേ…. എന്തായലും ഇപ്പൊ അറിഞ്ഞില്ലേ…. അവൾ പേടികൊണ്ട് പറയാതെ ഇരുന്നതാവും… ഇനി നല്ലൊരു ദിവസം ആയി ഇതേ ചൊല്ലി വിഷമിച്ചിരിക്കണ്ട…

കുറച്ചു സമയം ആരും ഒന്നും മിണ്ടിയില്ല. പിന്നെ രാധമ്മ എഴുന്നേറ്റ് മനുവിന്റെ അടുത്തേയ്ക്ക് പോയി…
…….

 

മനു പുറത്തേക്കും നോക്കി നിൽക്കുകയാണ്. പെട്ടെന്ന് ആതി വന്ന് തന്റെ അരയിൽ കൈചുറ്റി കെട്ടിപ്പിടിച്ചു.മനു അവളെ ചേർത്തു നിർത്തി. എന്നിട്ട് അവളുടെ മുഖത്തേയ്ക്ക് നോക്കി. കണ്ണൊക്കെ നിറയുന്നുണ്ടായിരുന്നു.

മനു: എന്താ പെണ്ണേ….

ആതി: ഒന്നുല്ലാ…..

അവൾ എന്തിനാണ് കരയുന്നത് എന്ന് അവനറിയാം. പക്ഷെ വീണ്ടും ചോദിക്കാൻ അവന്റെ മനസ്സ് സമ്മതിച്ചില്ല.അവൾ കൂടുതൽ ഇറുക്കി തന്നെ കെട്ടിപ്പിടിച്ചു. സ്നേഹം കൂടിയത്കൊണ്ടാണ്…

അവൻ അവളുടെ തലമുടി ഒന്ന് തഴുകി നെറുകിൽ ഒരു സ്നേഹ ചുംബനം കൊടുത്തു.

Leave a Reply

Your email address will not be published. Required fields are marked *