Posted by കൊടുക്കുകയും വേണം .എല്ലാം വാങ്ങിച്ചു കൊടുത്ത ശേഷം വീണ്ടും ഞാൻ അവരെ കളിപ്പിച്ചു ഹാളിൽ ഇരുന്നു . ഓരോ ബട്ടൻ ഞെക്കിയാൽ ഓരോ മൃഗങ്ങളുടെ ശബ്ദം ഉണ്ടാക്കുന്ന ഒരു ടോയ് ഞെക്കി ആദി രസിക്കുന്നുണ്ട് . റോസ് മോള് ആണെങ്കിൽ എല്ലാം നശിപ്പിക്കുന്ന ടെൻഡൻസിയില് ആണ് . മിക്ക ടോയ്സും അവള് അടിച്ചു പൊട്ടിക്കും .
“പൊന്നുസേ നിനക്ക് എന്റെ കയ്യിന്നു കിട്ടും …”
അവളുടെ കുറുമ്പ് കണ്ടു ഞാൻ അടുത്തിരുന്നു കണ്ണുരുട്ടി .
“ചാ ച്ച ..ദാ..”
ടോയ്‌സ് എന്റെ നേരെ നീട്ടികൊണ്ട് അവള് ചിരിച്ചു .
“എനിക്കൊന്നും വേണ്ട ..എനിക്ക് കളിക്കാനുള്ള മൊതലു വേറെ ഉണ്ട് ”
ഞാൻ ചിണുങ്ങിക്കൊണ്ട് പെണ്ണിനെ കയ്യെത്തിച്ചു പിടിച്ചു .
“ആ ചെക്കനെ കണ്ടു പഠിക്ക് പെണ്ണെ..അത് മിണ്ടാണ്ടിരുന്നു കളിക്കുന്നത് നോക്ക് ”
എന്റെ അടുത്തിരുന്നു സ്വയം കളിച്ചു രസിക്കുന്ന ആദിയെ നോക്കി ഞാൻ റോസിമോളെ മടിയിലിരുത്തി .
“അച്ച..ബൂ ..ബൂ ”
നായ കുരയ്ക്കുന്ന ശബ്ദം കളിപ്പാട്ടത്തിൽ നിന്ന് വന്നതോടെ ആദി എന്നെ നോക്കി കുണുങ്ങി .
“ആഹ്..ബൂ ബൂ …നിന്നെ കടിക്കട്ടെ …”
ഞാൻ ചിരിച്ചുകൊണ്ട് അവന്റെ അടുത്തേക്ക് നടന്നു . പിന്നെ അവന്റെ അടുത്തായി നിലത്തേക്കിരുന്നുകൊണ്ട് അവന്റെ മുടിയിൽ തഴുകി . റോസിമോള് അതെല്ലാം പുരികം ചുളിച്ചുകൊണ്ട് നോക്കുന്നുണ്ട് .
“ഉമ്മ്ഹ …നീയെങ്കിലും അടങ്ങി ഇരിക്കുന്നുണ്ടല്ലോ ”
ഞാൻ ചെക്കന്റെ കവിളിൽ ഉമ്മവെച്ചുകൊണ്ട് ചിരിച്ചു .
“ചാ ച്ച..മ്മ് മ്മ് മ്മ് ”
ഞാൻ ആദിയെ ഉമ്മവെക്കുന്നതു കണ്ടു അവളും എന്റെ നേരെ കവിള് നീട്ടി .
“നിനക്ക് ഇല്ല …”
ഞാൻ പല്ലിറുമ്മിക്കൊണ്ട് അവളുടെ കവിളിൽ എന്റെ താടി ഉരുമ്മി .
“ഹ ഹി ഹി …”
അതോടെ പെണ്ണ് കുലുങ്ങി ചിരിച്ചു . ആദി അപ്പോഴും ഓരോ ജന്തുക്കളുടെ ശബ്ദം കേട്ട് കൈകൊട്ടുന്നുണ്ട് . പൂച്ചയുടെ ശബ്ദം കേട്ട് അവൻ വളരെയധികം സന്തോഷിക്കുന്നുണ്ട് . വീട്ടിൽ അമ്മ മീൻ നന്നാക്കുമ്പോൾ പൂച്ച വരാറുണ്ട് . അതിനെ കാണാൻ വേണ്ടി മാത്രം ആദിയും വാശിപിടിക്കാറുണ്ട് . നല്ല ഇണക്കമുള്ള പൂച്ച ആയതുകൊണ്ട് അത് അവന്റെ അടുത്ത് വന്നു ഉരുമ്മാറുണ്ട്. അതൊക്കെ ആദിക്ക് വല്യ ഇഷ്ടമാണ് . കൊറച്ചു കൂടി വലുതായിട്ട് അവനു ഒരു പൂച്ചയെ വാങ്ങിച്ചു കൊടുക്കണം എന്നൊക്കെ മഞ്ജുസും പറയും .പക്ഷെ റോസിമോള് നേരെ തിരിച്ചാണ് , അവള് അതിനെയൊക്കെ ഓടിക്കും !
അങ്ങനെ ഞങ്ങള് ഇരിക്കുന്നതിനിടെ മഞ്ജുസ് ഒരുവിധം പണി ഒകെ തീർത്തുകൊണ്ട് ഹാളിലേക്കെത്തി . അടുക്കളയിലെ ചൂടും ആവിയും ഒകെ കാരണം വിയർത്ത കഴുത്തും മുഖവുമൊക്കെ ചുരിദാറിന്റെ തുമ്പു ഉയർത്തി തുടച്ചുകൊണ്ടാണ് അവളുടെ വരവ് .