രതിശലഭങ്ങൾ ലൈഫ് ഈസ് ബ്യൂട്ടിഫുൾ 7 [Sagar Kottapuram]

Posted by

താഴേക്കിറങ്ങി ചെല്ലുമ്പോൾ അച്ഛൻ കൊണ്ടുവന്ന ടോയ്‌സ് ഒകെ എടുത്തു കളിക്കുന്ന ആദിയെയും റോസ്‌മോളെയും ആണ് ഞാൻ കണ്ടത് . റോസ്‌മോളെ അച്ഛൻ മടിയിൽ വെച്ച് കൊഞ്ചിക്കുന്നുണ്ട് . അവള് പിന്നെ എല്ലാരോടും ജോയിന്റ് ആകുന്നതുകൊണ്ട് അച്ഛൻ എടുത്താലും കരയുവൊന്നുമില്ല !

“ഇപ്പോഴാണോടാ എണീറ്റ് വരുന്നത് ?”
ഹാളിലെ ക്ളോക്കിലോട്ടു നോക്കികൊണ്ട് അച്ഛൻ എന്നോടായി ചോദിച്ചു .

ഞാനതിനൊന്നു പുഞ്ചിരിക്കുക മാത്രം ചെയ്തു . അപ്പോഴേക്കും റോസ് മോള് എന്നെ നോക്കി ചിണുങ്ങാൻ തുടങ്ങിയിരുന്നു .

“ചാ ച്ചാ..”
പെണ്ണ് അച്ഛന്റെ മടിയിലിരുന്ന് എന്നെ നോക്കി കൈചൂണ്ടി .

“അവിടെ ഇരുന്നെടി..നിന്റെ അച്ഛച്ചൻ ആണ്..”
ഞാൻ അവളെ നോക്കി കൊഞ്ചിയ ശേഷം നിലത്തിരുന്ന് കളിക്കുന്ന ആദികുട്ടനെ നോക്കി . അവനു എന്നെ വല്യ മൈൻഡ് ഇല്ല .

അപ്പോഴേക്കും മഞ്ജുസ് ശബ്ദമൊക്കെ കേട്ട് ഹാളിലെക്കെത്തി .

“ആഹ്..നീ എണീറ്റോ ? ചായ എടുക്കട്ടേ ..”
നനഞ്ഞ കൈകൾ നൈറ്റിയിൽ തുടച്ചുകൊണ്ട് മഞ്ജുസ് എന്നോടായി തിരക്കി .

“ഹ്മ്മ് ..”
ഞാനതിനു പയ്യെ മൂളി . പിന്നെ നേരെ ഡൈനിങ് ടേബിളിനു അടുത്തേക്ക് നടന്നു .

”അച്ഛൻ കഴിച്ചോ ?”
നടന്നു നീങ്ങുന്ന നേരം ഞാൻ പയ്യെ തിരക്കി .

“ആഹ്..കഴിഞ്ഞു ”
അതിനു പുള്ളി ഗൗരവത്തിലൊരു മറുപടി നൽകി .

“എന്താടി മോളൂ ..അച്ചാച്ചനെ മനസിലായില്ലേ നിനക്ക് ?”
റോസ് മോളെ നേരെ പിടിച്ചുകൊണ്ട് അച്ഛൻ അവളെ നോക്കി ചിരിച്ചു . അതിനു മറുപടിയായി പെണ്ണ് എന്തൊക്കെയോ ചിണുങ്ങിക്കൊണ്ട് ഒച്ചയുണ്ടാക്കുന്നുണ്ട് . അച്ഛൻ അവളെ ചുംബിക്കുമ്പോൾ താടിയും മീശയുമൊക്കെ അവളുടെ കുഞ്ഞിക്കവിളിൽ ഉരുമ്മുന്നുണ്ട് . ആ ഇക്കിളിപ്പെടുത്തുന്ന സുഖത്തിൽ പെണ്ണ് കുലുങ്ങി ചിരിക്കുന്നുമുണ്ട് .

അച്ഛന്റെ കുട്ടികളോടുള്ള സമീപനം കണ്ടപ്പോൾ എനിക്ക് കൗതുകം തോന്നി . മുൻപ് ചോറൂണിന്റെ സമയത്തു വന്നപ്പോഴും ഇങ്ങനെ തന്നെ ആയിരുന്നു .

ഞാനതു നോക്കിനിൽക്കെ മഞ്ജുസ് ബ്രെക് ഫാസ്റ്റുമായി അങ്ങോട്ടേക്കെത്തി . പിന്നെ അത് സ്വസ്ഥമായിട്ടിരുന്നു കഴിച്ചു . മഞ്ജുസും ആ സമയം എനിക്ക് അടുത്തുണ്ടായിരുന്നു .

“നീ എന്റെ കൂടെ വരുന്നോ ? ”
മായേച്ചിയെ വിളിക്കാൻ പോകുന്ന കാര്യം ഓർത്തു ഞാൻ മഞ്ജുവിനെ നോക്കി .

“ഞാനോ ? അതിന്റെ ഒകെ ആവശ്യം ഉണ്ടോ ?”
മഞ്ജുസ് എന്നെ സംശയത്തോടെ നോക്കി .

“വാടോ ..അവിടെ ഉള്ളവര് പിള്ളേരെ ഒകെ കണ്ടിട്ട് കുറച്ചായില്ലേ …”
ഞാൻ ചെറു ചിരിയോടെ പറഞ്ഞു .

Leave a Reply

Your email address will not be published. Required fields are marked *