Posted by ” ഹോസ്പിറ്റലിൽ അല്ല. ഡോക്ടറെ വീട്ടിൽ പോയി കാണണം എന്ന പറഞ്ഞത്… ”
” എന്നിട്ടു നിന്നെ എന്താ കൊണ്ട് പോകാതെ ഇരുന്നത്? ”
” ആഹ് അറിയില്ല… ഞാനും വരാമെന്നു പറഞ്ഞപ്പോൾ. വേണ്ട ഇരുന്ന് പഠിച്ചോളാൻ പറഞ്ഞു..ചേച്ചി…. നാളെ എനിക്ക് എക്സാം ഉണ്ട്. ”
” അപ്പൊ വീട്ടുകാർക്കെല്ലാം വട്ടായി ” എന്നായി എന്റെ അടുത്ത ചിന്ത.
” ആലോചിച്ചിരിക്കണ്ട് കഴിക്കു നന്ദുവേട്ടാ ….. ”
സ്നേഹനിധിയായ ഭാര്യയുടെ അധികാരം ചേർത്തവൾ അത് പറഞ്ഞപ്പോൾ തന്നെ എന്റെ മനസ്സ് നിറഞ്ഞിരുന്നു..
” വല്ലതും കഴിച്ചോ ദേവു നീയ്…? ”
” മം .. ഉണ്ടാക്കി കഴിഞ്ഞു രുചി നോക്കാൻ രണ്ടെണ്ണം കഴിച്ചു.. ”
കഴിച്ചിട്ടില്ല എന്ന് പറയുമെന്ന് കരുതിയ എനിക്ക് അവളുടെ വാക്കുകളിൽ അല്പം സങ്കടം തോന്നി. ഇല്ലെങ്കിൽ അവളെയും കഴിക്കാൻ ഞാൻ നിർബന്ധിക്കുമായിരുന്നു.
എങ്കിലും സ്നേഹനിധിയായ ഒരു ഭാര്യയുടെ കടമ എന്നതു പോലെ എന്നെ ചുറ്റി പറ്റി ഞാൻ കഴിച്ചു തീരും വരെ എന്റെ അവശ്യങ്ങൾ നോക്കി കണ്ടു ചെയ്തും അവളുണ്ടായിരുന്നു…
കഴിച്ചു എഴുന്നേറ്റു അവൾ പത്രങ്ങൾ എടുത്തു കൊണ്ട് അടുക്കളയിലേക്കും ഞാൻ ടിവിയുടെ മുന്നിലേക്കും പോയി .
എങ്കിലും എന്ത് കൊണ്ടാകും അമ്മയും ഏടത്തിയും ഇവളെ ഇവിടെ തനിച്ചാക്കി പോയതെന്നെത്ര ആലോചിച്ചിട്ടും പിടികിട്ടിയില്ല. ഇല്ലെങ്കിൽ എന്റെ മുന്നിൽ പെടാതെ കൊണ്ട് നടക്കുമായിരുന്നു ദേവുവിനെ അവർ.
ആലോചിച്ചിരിക്കെ ദേവു അടുക്കളയിൽ നിന്നും എന്റെ അടുക്കൽ വന്നു നിന്നു… എന്റെ അടുത്തവൾക്കിരിക്കണം എന്നുണ്ടെന്ന് അവളുടെ മുഖഭാവം എന്നെ അറിയിച്ചു…
” ഇരിക്ക് ….. ”