Posted by ഈ സംഭവം വിശദമായി ഞാൻ തന്നെ പറഞ്ഞു തരാം..മഞ്ജു എന്തായാലും പറയില്ല !
കോളേജിലെ വിശാലമായ ഗ്രൗണ്ടിൽ സ്വന്തം ജീപ്പ് ഓടിച്ചു വരുന്ന മഞ്ജുസ് കോളേജിലെ ചർച്ച വിഷയം ആയിരുന്നു . കാണാൻ നല്ല സുന്ദരിയായതുകൊണ്ട് തന്നെ കോളേജിലെ തല്ലിപൊളികൾക്കു അവളുടെ മീതെ ഒരു കണ്ണ് ഉണ്ട് . അങ്ങനെയാണ് കോളേജിലെ മെയിൻ തല്ലിപ്പൊളി ബിനോയ് , മഞ്ജുസ് കോളേജിലേക്ക് വരുമ്പോൾ വഴിതടയലുമായി മുന്നിൽ കേറിയത് . ഓപ്പൺ ജീപ്പിൽ നിന്നു ജീൻസും ഷർട്ടും ഇടം തോളിൽ ബാഗും തൂക്കി ഇറങ്ങിയ അവളെ ബിനോയിയും സംഘവും മുന്നിൽ കയറി നിന്നു തടഞ്ഞു .
“ഹാഹ് ഒന്ന് നിൽക്ക് മഞ്ജു മോളെ ”
ബിനോയ് എന്ന കഥയിലെ തല്ലുകൊള്ളി ഇടം കൈനീട്ടി മഞ്ജുവിനെ തടഞ്ഞു.
“നിന്നു ..ഇനി എന്താ ബിനോയ്‌ക്ക്‌ വേണ്ടേ ?”
അവന്റെ ഷോ ഓഫിന്റെ മുൻപിൽ ഒരു തരി പതറാതെ മഞ്ജുസ് സ്വല്പം പുച്ഛത്തോടെ ചോദിച്ചു . പിന്നെ അവനൊപ്പമുള്ള കൂട്ടാളികളെയും നോക്കി . മൂന്നു സുഹൃത്തുക്കൾ ബിനോയ്‌ക്കൊപ്പം ഉണ്ട് . രണ്ടു പേര് ബൈക്കിൽ ഇരുന്നു ഈ കാഴ്ച നോക്കി രസിക്കുകയും ഒരാൾ ബിനോയ്‌ക്കൊപ്പം മഞ്ജുവിനെ തടയാനായി നിൽക്കുകയും ആണ് .
“എനിക്ക് വേണ്ടത് എന്താണെന്നു ഞാൻ മഞ്ജുവിനെ ആദ്യം കണ്ടപ്പോഴേ പറഞ്ഞതല്ലേ , പിന്നെന്തിനാ ഈ ദേഷ്യം ഒക്കെ ? എനിക്ക് നിന്നെയാണ് വേണ്ടത്..ഐ ലവ് യു ”
ബിനോയ് വഷളൻ ചിരിയോടെ മഞ്ജുസിനു ചുറ്റും നടന്നു പതിയെ പറഞ്ഞു .
“ഇതിനുള്ള മറുപടി ഞാൻ അന്ന് തന്നെ പറഞ്ഞതാണല്ലോ , പിന്നെ എന്തിനാ ചേട്ടാ ഈ പുറകെ നടന്നു ശല്യം ചെയ്യുന്നേ ..നിങ്ങള് എന്നെ പ്രേമിച്ചോള്ളൂ ഒരു വിരോധവും ഇല്ല..പക്ഷെ തിരിച്ചു വേണോ വേണ്ടയോ എന്ന് ഞാൻ തീരുമാനിച്ചോളാം “
അത്രയും പറഞ്ഞുകൊണ്ട് പഴയ മഞ്ജു മുന്നോട്ടു നടക്കാൻ തുനിഞ്ഞതും അവൻ മഞ്ജുസിന്റെ മുന്നിൽ കയറി നിന്നു. കൂട്ടാളികൾ അതുകണ്ടു ചിരിക്കുകയും ചെയ്യുന്നുണ്ട് .
“എന്റെ പൊന്നു ചേട്ടാ..ആളെ മെനക്കെടുത്താതെ ഒന്ന് മാറിക്കെ”
പക്ഷെ അവന്റെ ഷോ ഒന്നും കാര്യമായി എടുക്കാതെ മഞ്ജു മയത്തിൽ തന്നെ പറഞ്ഞു നോക്കി .
“മാറാനിപ്പോ സൗകര്യം ഇല്ല മോളെ . എന്നെ ഇഷ്ടമാണെന്നു പറഞ്ഞാൽ മാറാം ”
ബിനോയ് ഒരു വഷളൻ ചിരിയോടെ മഞ്ജുവിനെ നോക്കി അവന്റെ കുറ്റിത്താടി ഉഴിഞ്ഞു .
“ഓഹോ..എന്ന പറയാനും സൗകര്യമില്ല .പോകാൻ പറ്റുമോന്നു ഞാൻ ഒന്ന് നോക്കട്ടെ ..”
അത്രേം പറഞ്ഞു മഞ്ജു ഗൗരവത്തിൽ വഴി മാറി നടക്കാൻ തുനിഞ്ഞതും ബിനോയ് അവളുടെ കൈക്കു കയറി പിടിച്ചു . അതാണ് പ്രേശ്നങ്ങൾ രൂക്ഷമാകാൻ കാരണം .
“ഹാഹ്..അങ്ങനെ അങ്ങ് പോയാലോ മഞ്ജു ”
മഞ്ജുവിന്റെ കൈപിടിച്ച് ബിനോയ് വഷളൻ ചിരിയോടെ പറഞ്ഞു .