സമ്മതിച്ചില്ലെങ്കിലോ?
സമ്മതിച്ചില്ലെങ്കിൽ????
പറ സമ്മതിച്ചില്ലെങ്കിൽ എന്ത് ചെയ്യും?
സമ്മതിക്കും എന്ന് വിചാരിക്കാം,
ഉള്ളിൽ സമ്മതിക്കുമോ ഇല്ലയോ എന്ന സംശയം ഇരുന്നിട്ടും ഞാൻ അനു വിനെ സമാധാനിപ്പിച്ചു,
നീ വാ എന്തായാലും നമുക്ക് അവർ എന്നാ പറയുന്നതെന്ന് നോക്കാം,
ഞാനും അവളും താഴേക്ക് ചെന്നു, ആന്റി അടുക്കളയിൽ ആണ്, ഞാൻ ഒരു സൈഡിൽ നിൽപ്പുറപ്പിച്ചു, ആന്റി എല്ലാവർക്കും വെള്ളവുമായി വന്നു,
വന്ദേ എനിക്ക് നിന്നോടൊരു കാര്യം സംസാരിക്കാനുണ്ട്,
എന്താ ഏട്ടാ?
എന്റെ നെഞ്ച് പടാപടാന്ന് മിടിക്കാൻ തുടങ്ങി,
അത് പിന്നെ അനുവിന്റെ കാര്യം ആണ്,
അനുവിനെ ഞങ്ങൾക്ക് തരുമോ?
അപ്പോഴേക്കും അമ്മ ഇടയിൽ കയറി പറഞ്ഞു,
ആന്റി മനസ്സിലായിട്ടും മനസ്സിലാവാത്ത മട്ടിൽ അച്ഛനെയും അമ്മയെയും മാറി മാറി നോക്കി,
അല്ല ഇവന് അനുവിനെ കൊടുക്കുന്നതിൽ നിനക്ക് എന്തെങ്കിലും പ്രശ്നം ഉണ്ടോ?
അത് ഏട്ടാ…..
നിനക്ക് ഇഷ്ടമല്ലങ്കിൽ വേണ്ട….
അതല്ല അവൾ പടിക്കുകയല്ലേ?
അതിനു ഇപ്പൊ തന്നെ വേണം എന്നാരു പറഞ്ഞു, അവൾ റെഡി ആയി എന്ന് നിനക്ക് തോന്നുമ്പോൾ മതി,
അവളോടൊന്നു ചോദിക്കാതെ ഞാൻ എന്താ പറയുക?
അവളോട് ചോദിക്കുകയൊന്നും വേണ്ട, നിനക്ക് എന്തെങ്കിലും ഇഷ്ടക്കേട് ഉണ്ടോ?
എനിക്ക് ഇഷ്ടക്കേടന്നും ഇല്ല,
അവളുടെ കാര്യം വിട്ടേക്, പിള്ളേര് 4 വർഷമായി ഇഷ്ടത്തിലാണ് !!!!!!!
ഇത് കേട്ട ആന്റി ഒന്ന് ഞെട്ടി.
അവന്റെ കോഴ്സ് അടുത്ത മാസം തീരും, അവനു താല്പര്യം ഉണ്ടെങ്കിൽ എന്റെ കൂടെ ബിസിനസ് നോക്കാം അല്ലെങ്കിൽ അവന്റെ പ്രൊഫഷൻ തന്നെ നോക്കിക്കോട്ടെ, അവൻ ഒന്ന് സെറ്റ് ആവുമ്പോഴേക്കും ഇവള്ടെ പഠിപ്പ് ഒരുവിധം എത്തുമല്ലോ,
എല്ലാം ഇവര് പണ്ടേ തീരുമാനിച്ചില്ലേ, ഇനി ഞാൻ എന്ത് പറയാൻ ആണ്,
ഇത് കേട്ട് പുറത്ത് നിന്നിരുന്ന അനുവിന്റെ മുഖത്തു സന്തോഷം അലതല്ലി, പക്ഷേ ആന്റിക്ക് നല്ല വിഷമം ഉള്ളത് പോലെ തോന്നി,
എന്നാ ഞങ്ങൾ ഇറങ്ങട്ടെ, വൈകിട്ട് ഇവൻ വണ്ടിയുമായി വരും, നീ അമ്മയെയും റെഡി ആക്കി വീട്ടിലേക്ക് പോര്,
നിനക്ക് സന്തോഷായില്ലേ…… അച്ഛൻ അനുവിനോട് ചോദിച്ചു,
മ്മ്മ് എന്ന് അവൾ തലയാട്ടി,
ആയിരം പൂർണ ചന്ദ്രന്റെ പ്രകാശമായിരുന്നു അവളുടെ മുഖത്തു.