Posted by എന്റെ അറിവിലെ ദേവുവിനും അവളുടെ അച്ഛൻ തന്നെ ആണ് ലോകം..
” ഇപ്പോളോ? “
അയാളുടെ ചോദ്യത്തിനർദ്ധം മനസിലാവാതെ ഞാൻ അയാളെ നോക്കി.
” നിങ്ങൾ ചെയ്തത് തെറ്റാണെന്നു ഞാൻ ഒരിക്കലും പറയില്ല. ദേവു മോളുടെ സാഹചര്യങ്ങൾ വച്ചു.. അജയൻ കൂടി ഇല്ലാത്ത സ്ഥിതിക് ദേവു മോൾക്ക് ഒരിക്കലും അവിടേം സുരക്ഷിതമല്ലെന്ന് എനിക്ക് അറിയാം.. മോൻ ചെയ്തത് നല്ല കാര്യം ആണ് . അവളുടെ സാഹചര്യങ്ങളെല്ലാം അറിഞ്ഞും അവളെ സ്വീകരിക്കാൻ കിട്ടിയ മനസ് അത് വലുതാണ് . അതെന്റെ അജയന് മനസിലാകും. അവളും അച്ഛനും മാത്രം ഉള്ള ലോകത്തേക് അവൾ തിരഞ്ഞെടുത്ത പുതിയ ആളിൽ മോൾക്ക് തെറ്റ് പറ്റിയിട്ടില്ലെന്ന്.ആണ് എന്റെ വിശ്വാസവും .. “
കാര്യങ്ങൾ ഒന്നും അറിയാതെയാണ് രാമേട്ടന്റെ സംസാരം. എങ്കിലും അയാളെ തിരുത്താൻ ഞാൻ നിന്നില്ല. അന്നത്തെ സംഭവങ്ങൾ ആദ്യം മുതൽക്കേ വിവരിക്കാൻ നിന്നാൽ ചിലപ്പോൾ എല്ലാവരെയും പോലെ ആയാളും എന്നെ അവിശ്വസിക്കും അല്ലെങ്കിൽ രാമേട്ടൻ ദേവുവിനെ ഒരു ചീത്ത പെണ്ണായി കാണും . എന്തിനു അങ്ങനെ ഇന്നിന് ഇടവരുത്തണം. ഞങ്ങൾക്കു സത്യം ബോധ്യപ്പെടുത്തേണ്ടത് രണ്ടുപേർക്കു മുന്നിൽ മാത്രം ആണ്. അവളുടെ അച്ഛന്റെ മുന്നിലും എന്റെ അമ്മയുടെ മുന്നിലും.. .
” താനെന്താ ഈ ആലോചിക്കുന്നത് ? “
” വെറുതെ.. “
” ഈ ജാനകി. അവരെങ്ങനെ ആണ്……. അവരുടെ കൂടെ .. എങ്ങനെ ? “
ഞാൻ അറിയാനൊരു ആകാംക്ഷയിൽ ചോദിച്ചു.
” വേശ്യയായ ഒരു സ്ത്രീയിൽ അച്ഛനാരെന്നറിയാതെ ജനിച്ച ഒരു അബദ്ധം . അത് മാത്രമായിരുന്നു അന്നത്തെ ജാനകിയുടെ വിലാസം. എത്ര കഴുകി കളഞ്ഞാലും പോവാത്ത കറ. പക്ഷെ ആ കറ ദേവുവിൽ പുരളാതിരിക്കാൻ അജയൻ നന്നേ പാടുപെട്ടു. “
അയാൾ കൂട്ടിച്ചേർത്തു.