അവൾ രുഗ്മിണി 4
Aval Rugmini Part 4 Author മന്ദന് രാജാ
Previous parts of Aval Rugmini | Part 1 | Part 2 | Part 3 |
കാർ നിർത്തി ഇറങ്ങിയ ആളെക്കണ്ട് മനോജ് ഒന്ന് ഞെട്ടി .
“‘ അച്ഛൻ “‘ അവൻ പതിയെ പറയുന്നത് കേട്ട രാഗിണിയുടെ മുഖം പിന്നെയും വിളറി . രുഗ്മിണിക്ക് യാതൊരു കൂസലുമില്ലായിരുന്നു .
“‘ മനോജിന്റെ അച്ഛനാണോ അത് ? എവിടെയോ കണ്ട് നല്ല പരിചയം “‘ അവൾ രാഗിണിയുടെ തോളിൽ പിടിച്ചു മുന്നിലേക്ക് വന്നു നിന്നു
“‘ ഞാൻ സൂര്യപ്രസാദ് . മുൻസിപ്പൽ ചെയർമാൻ ആണ് . ഇവന്റെ അച്ഛനും “”
“‘ കയറിയിരിക്കൂ അച്ഛാ “”‘ രുഗ്മിണി പറഞ്ഞപ്പോൾ മനോജ് അവളെ വല്ലാതെയൊന്ന് നോക്കി .
സൂര്യപ്രസാദ് അകത്തേക്ക് കയറി ചെയറിലിരുന്നു . രാഗിണി വരാന്തയിൽ തന്നെ നിന്നതേ ഉള്ളൂ .
“‘ മോൾടെ പേരെന്താ ?”’
“‘ രുഗ്മിണി . “‘
“‘ മോള് കൊള്ളാം കേട്ടോ . രണ്ടു ദിവസം കൊണ്ടെന്റെ മോനൊരു അടുക്കും ചിട്ടയും വന്നല്ലോ . മോൾടെ അച്ഛനുമമ്മയും ?”’ സൂര്യപ്രസാദ് അവളെ നോക്കി ചിരിച്ചു .
“‘ രണ്ടുപേരുമിപ്പോൾ ഇല്ല .ഒരു ചേച്ചിയുണ്ട് ….. ചേച്ചീ “” രുഗ്മിണി വിളിച്ചപ്പോൾ രാഗിണി പതിയെ അകത്തേക്ക് കയറി വാതിൽക്കൽ നിന്നു . തൊട്ടുമുൻപിൽ മനോജ് നിൽപ്പുണ്ടായിരുന്നു .
“‘ കാലിന് ?”’ സൂര്യപ്രസാദ് രാഗിണിയെ നോക്കി .
“‘ ഒരാക്സിഡന്റ് . മുട്ടിന് താഴേക്ക് ..”‘ രുഗ്മിണി പാതിയിൽ നിർത്തി .
“‘ ഹമ് “‘ സൂര്യപ്രസാദ് ഒന്ന് മൂളി
“‘ എല്ലാർക്കും എല്ലാം കൊടുക്കില്ലല്ലോ ദൈവം . ചിലരെ നേരത്തെ വിളിക്കും . ചിലർക്ക് ചില കുറവുകൾ . എല്ലാം ശെരിയാകും മോളെ ?”’
“‘ ചേച്ചീ ..ചായ ”’ രുഗ്മിണി പറഞ്ഞപ്പോൾ രാഗിണി അകത്തേക്ക് നടന്നു
“” വേണ്ട മോളെ . ചായയൊന്നും വേണ്ട . മനോജിനെ ഒരു പെൺകുട്ടിയുടെ കൂടെ കണ്ടെന്നു പറഞ്ഞപ്പോളാ കുട്ടിയെ ഒന്ന് കണ്ടാലോയെന്നൊരു മോഹം . നിന്നെയെനിക്കിഷ്ടപ്പെട്ടു . ഇട്ടു മൂടാനുള്ള ആസ്ഥിയുണ്ടെനിക്ക് . ആകെയൊരു മകനും . പഠനമൊക്കെ കഴിയട്ടെ . നിങ്ങളുടെ ആഗ്രഹം ഞാൻ തന്നെ നടത്തി തരും ?”’
“‘ മനോജിന്റെ അച്ചൻ എന്താ ഉദ്ദേശിക്കുന്നത് ?”’ രുഗ്മിണിയുടെ ശബ്ദം കനത്തിരുന്നു
“‘ അത് തന്നെ .. പഠിത്തത്തിന്റെ ഇടയിൽ ഇങ്ങനെ കറക്കവും പ്രേമവുമൊന്നും വേണ്ടാന്ന് . എല്ലാം സമയം ആകുമ്പോൾ അച്ഛൻ തന്നെ നടത്തി തരുമെന്ന് “‘ സൂര്യപ്രസാദ് ചിരിച്ചു
“‘ അതിനു ഞങ്ങൾ തമ്മിൽ പ്രേമമെന്നാരാ അച്ഛനോട് പറഞ്ഞെ ?”’
സൂര്യപ്രസാദിന്റെ മുഖം വിളറി . അത് കണ്ട മനോജിന്റെയും .
“” നിന്നെ ഇവന്റെ കൂടെ കണ്ടവർ ഉണ്ട് .പിന്നെ ഞാൻ ഇവിടെ വച്ചും കണ്ടില്ലേ ?”’
“‘ അത് കൊണ്ട് ? മനോജിന്റെ കൂടെ ബിനീഷ് മിക്കവാറും ഉണ്ടല്ലോ . അവർ തമ്മിൽ പ്രേമമാണോ ? മനോജ് ബിനീഷിന്റെ വീട്ടിലും ബിനീഷ് മനോജിന്റെ വീട്ടിലും പോകാറുണ്ടെന്ന് പറഞ്ഞല്ലോ …അവർ തമ്മിൽ പ്രേമമാണോ ?”
“‘ അത് …അത് ..”‘ രാഷ്ട്രീയത്തിലും കോടതിയിലും എതിരാളികളെ മലർത്തിയടിക്കുന്ന വാഗ്ധോരണികൾ പുറപ്പെടുവിക്കുന്ന സൂര്യപ്രസാദിന്റെ നാവ് അന്നാദ്യമായി പതറി .
“” നീ ..നീയെന്നെ അച്ഛാ എന്ന് വിളിച്ചല്ലോ ?”’ സൂര്യപ്രസാദ് കണ്ണട എടുത്തൊന്നൂരി തുടച്ചിട്ട് വീണ്ടും വെച്ചു .
“‘ കൂട്ടുകാരുടെ അച്ഛനമ്മമാരെ എല്ലാരും തന്നെ അച്ഛൻ ‘അമ്മ അല്ലെങ്കിൽ അവർ വിളിക്കുന്നത് പോലെയാണ് എല്ലാവരും വിളിക്കുന്നത് . “‘
“‘ഇറ്റ്സ് ഓക്കേ .. ഞാൻ പറഞ്ഞെന്നേയുള്ളൂ “” സൂര്യപ്രസാദ് പോകാനായി എഴുന്നേറ്റു .
“‘ രണ്ടു ദിവസമേയുള്ളൂ മനോജുമായി എനിക്ക് പരിചയം . എനിക്കോ മനോജിനോ ഞങ്ങൾ പരസ്പരം ചേരുന്നവർ ആയി തോന്നിയാൽ ..അതാരായാലും അച്ഛനെ ആവും ആദ്യം വിവരമറിയിക്കുക .എന്തായാലും ഇപ്പോൾ ഞങ്ങൾ ആരുടെയും മനസ്സിൽ യാതൊന്നുമില്ല . ഉണ്ടോ മനോജേ ?””’ രുഗ്മിണി മനോജിനെ നോക്കി
അവനൊന്ന് തലയാട്ടാനേ കഴിഞ്ഞുള്ളു …
“” നീ വരുന്നുണ്ടോ ..അതോ ?”’ സൂര്യപ്രസാദ് മുറ്റത്തേക്ക് ഇറങ്ങിയിട്ട് മനോജിന്റെ നേരെ തിരിഞ്ഞു ചോദിച്ചു
“‘ ഞാൻ ..ബിനീഷിനെ കണ്ടില്ല . അത് ..അത് ചോദിക്കാനായി വന്നതാ .രുഗ്മിണിയുടെ കൂടെ അവൻ പോയാരുന്നു “‘
“‘ മനോജേ … അവനിപ്പോളൊരു ജോലിയുടെ ആവശ്യമുണ്ട് . മനോജിന് പൈസയുണ്ട് .പിന്നെ നല്ല പോലെ പഠിക്കുകയും ചെയ്യും . ബിനീഷിന്റെ വീട്ടിലെ കാര്യം അറിയാല്ലോ . അത് കൊണ്ട് അവനെക്കൊണ്ട് പറ്റുന്നത് പോലെ ഉള്ള ഒരു ഹെൽപ് .വീട്ടുകാർക്ക് , പറഞ്ഞപ്പോൾ ബിനീഷിനും താല്പര്യം .
ഹോട്ടൽ വീക്കെൻഡിൽ , വൈകുന്നേരം അഞ്ചുമണി മുതൽ അടക്കുന്നത് വരെ . ആദ്യമൊക്കെ അല്പം ബുദ്ധിമുട്ടുണ്ടാകും . വെളുപ്പിനെ എണീറ്റ് പഠിച്ചാൽ മതി . ഒരു ശീലമായാൽ നല്ല സുഖമാ .അധ്വാനിച്ചു ജീവിക്കുന്നതും ആ പൈസകൊണ്ട് പഠിക്കുന്നതും ഒക്കെ ഒരു സുഖമാ . ആത്മവിശ്വാസവും കൂടും . വേണമെങ്കിൽ മനോജിനും ശ്രമിക്കാം . വിയർപ്പിൻറെ വില കൊണ്ട് കിട്ടുന്ന പൈസക്ക് അതിന്റെതായ മൂല്യമുണ്ട് .ചിലവാക്കാനും അൽപം മടി തോന്നും “‘ അവസാനം പറഞ്ഞത് രുഗ്മിണി സൂര്യപ്രസാദിനെ നോക്കിയാണ് . അയാൾ അവളെ ഇരുത്തിനോക്കിയിട്ട് കാറിൽ കയറി .