Posted by
നിനക്കെന്നെ മടുത്തുതുടങ്ങിയാൽ പറയാൻ മടിക്കരുത് , ആർക്കും ശല്യമാകാൻ ഞാൻ ആഗ്രഹിക്കുന്നില്ല
പറയാം , പക്ഷെ അതുണ്ടാകുമെന്ന് ഞാൻ കരുതുന്നില്ല , സ്നേഹം എന്നത് മനുഷ്യന ആഗ്രഹിക്കുന്ന വികാരമാണ് . അത് കിട്ടിയില്ലെങ്കിൽ അവൻ അതുള്ളിടത്തേക്കു തേടി പോകും . സമ്പന്നതയുടെ വീർപ്പുമുട്ടലിൽ സ്നേഹത്തിനായി ഞാൻ കൊതിച്ചിട്ടുണ്ട് . മാതാപിതാക്കളുടെ സുഹൃത്തുക്കളുടെ കാമുകിയുടെ അങ്ങനെ
ഓരോ തലങ്ങളിലെയും സ്നേഹത്തിനായി . ചുറ്റും ഒരുപാടു പേര് എനിക്കുണ്ടായിരുന്നു പിരിഞ്ഞു ജീവിക്കുന്ന അച്ഛനും അമ്മയും മകന് വേണ്ടി ആരാണ് കൂടുതൽ പണം ചിലവാക്കുന്നതെന്ന് മത്സരിച്ചു കൊണ്ട് , എനിക്കായി വരുന്ന പണത്തിന്റെ പങ്കുപറ്റാൻ വേണ്ടി എന്റെ കൂടെ കൂടിയ സുഹൃത്തുക്കൾ എന്ന് ഞാൻ കരുതിയ കുറെ പേർ വേറെയും .സ്നേഹം നടിച്ചു ഒന്നിലധികം പേരെ ഒരേസമയം പ്രണയിച്ച കാമുകിയും എല്ലാവരും , എല്ലാവർക്കും വേണ്ടത് പണം മാത്രം .നിഷ്കളങ്ക സ്നേഹം ഞാൻ അറിഞ്ഞത്,അനുഭവിച്ചത്‌ അത് ഇവിടെ നിന്ന് ഈ ഹൃദയത്തിൽ നിന്നും മാത്രമാണ് ഒരമ്മയുടെ സുഹൃത്തിന്റെ കാമുകിയുടെ ഭാര്യയുടെ മകളുടെ
എല്ലാവിധ സ്നേഹവും ഞാൻ അറിഞ്ഞു .ഒരുപെണ്ണിനു മാത്രമേ എല്ലാം തരാൻ കഴിയു എന്ന് ഞാൻ തിരിച്ചറിഞ്ഞത് ഈ സ്നേഹം കണ്ടാണ് . ആണിന് എത്ര ശ്രമിച്ചാലും ഇത്ര സ്നേഹം നല്കാൻ കഴിയില്ല
നല്ല അച്ഛനാകാൻ കഴിയുമായിരിക്കും ഭർത്താവാകാൻ കഴിയുമായിരിക്കും മകനാകാൻ കഴിയുമായിരിക്കും കാമുകനാകാൻ കഴിയുമായിരിക്കും പക്ഷെ എല്ലാം ഒരുമിച്ചു സാധിക്കുമെന്ന് ഞാൻ കരുതുന്നില്ല , എല്ലാ പെണ്ണിനും കഴിയുമെന്നും ഞാൻ കരുതുന്നില്ല , അങ്ങനെ കഴിയുന്നവരും ഉണ്ട് എന്ന് ഞാൻ മനസ്സിലാക്കി .
സത്യത്തിൽ നിങ്ങളെ തിരിച്ചറിയാതെ പോയവർ സ്വർഗം എന്താണെന്ന് മനസ്സിലാക്കാതെ സ്വർഗ്ഗത്തിനുവേണ്ടി ആഗ്രഹിക്കുന്നവർ ആണ് . നിങ്ങളുടെ മൂല്യം കരുത്തും സ്നേഹവും അവർക്കു തിരിച്ചറിയാൻ കഴിഞ്ഞില്ല . എന്തല്ലാമാണ് അവർ നഷ്ടപ്പെടുത്തിയത് നല്ലൊരു അമ്മയെ നല്ലൊരു ഭാര്യയെ നല്ലൊരു മകളെ ….