ട്രെയില് നിറച്ച ഗ്ലാസ്സുകളുമായി ജോണിയും മിസിസും വന്നു . മേരി ഒരെണ്ണം എടുത്തു അച്ചുവിന് കൊടുത്തിട്ട് അവളെയും കൂട്ടി അപ്പുറത്തേക്ക് നടന്നു … ആണുങ്ങള് അടുത്തേക്ക് വന്നു ജോജിയെ പരിചയപ്പെട്ടു . ഇടക്കവന് നോക്കുമ്പോള് പെണ്ണുങ്ങള് അച്ചുവിന്റെ ചുറ്റിനും നിന്ന് സംസാരിക്കുന്നുണ്ട് … പാര്ട്ടി കഴിഞ്ഞപ്പോള് പത്തു മണിയോളം ആയി
മേരിയുടെ കൈ പിടിച്ചാണ് അച്ചു കാറിന്റെ അടുത്തേക്ക് നടന്നത് .. ജോജി ആകെ രണ്ടു ഗ്ലാസ് വൈനായിരുന്നു കുടിച്ചത് . ചെക്കിംഗ് കാണില്ലെങ്കിലും ഒരു മടി . ജോര്ജുട്ടിയും ജോജിയും കൂടി അപ്പുവിനെയും അമ്മുവിനേയും എടുത്തു കാറിലേക്ക് കിടത്തി , മേരി അവളുടെ അപ്പുറത്ത് പിള്ളേരെ ഇരുത്തി ചായ്ച്ചു കിടത്തി , അവര് ഉറങ്ങിയിരുന്നു …. പുറത്തേക്ക് കണ്ണ് നട്ട് മുന്സീറ്റിലിരുന്ന അച്ചുവിനെ നോക്കിയിട്ട് ജോജി വണ്ടിയെടുത്തു . അവള് കാല് നീട്ടിയാണ് വെച്ചിരുന്നത് , ഇടക്ക് ഉറങ്ങുന്ന കുഞ്ഞുങ്ങളെ നോക്കിയപ്പോള് ജോജിയുടെ കണ്ണുകള് തന്റെ കാലിലാണ് ഉള്ളതെന്നറിഞ്ഞിട്ടും അച്ചു കാല് പിന്വലിച്ചില്ല … അല്പം ലഹരി ഉള്ളിലുണ്ട് താനും
മേരിയുടെ ഫ്ലാറ്റിനു താഴെ കാര് നിര്ത്തിയപ്പോള് മേരി അവരെ ക്ഷണിച്ചു , ജോജി നിരസിച്ചെങ്കിലും അച്ചുവിന് പോകണമായിരുന്നു . അവള് മേരിയുടെ ഒപ്പം ഇറങ്ങിയപ്പോള് കാര് ഓണാക്കിയിട്ട് ജോജിയും പുറകെ ചെന്നു . ലിഫ്റ്റില് നിന്നപ്പോള് മേരിയും അച്ചുവും ചെറുതായി ആടുന്നുണ്ടായിരുന്നു … മേരി നന്നായി കഴിച്ചിട്ടുണ്ട് എന്ന് തോന്നുന്നു
മുറി തുറന്നതെ അച്ചു ആകമാനം കണ്ണോടിച്ചു
” ദാ അതാ ബാത്രൂം ” മേരിക്ക് അവളുടെ ശങ്ക പെട്ടന്ന് മനസിലായി . അച്ചു അകത്തേക്ക് കയറിയതും മേരി ഫ്രിഡ്ജില് നിന്നും ഫ്രൂട്ട് ജ്യൂസെടുത്തു ടീപ്പോയിയില് വെച്ച് ഗ്ലാസ്സിലേക്കൂറ്റി , അതോടൊപ്പം ഒരു ഗ്ലാസില് ജിന്നും ഒന്നര പെഗ്ഗോളം