Posted by ” ഡാ ജോക്കുട്ടാ …. നീ ജോര്‍ജുട്ടിയെയും കൂട്ടി ആ ഹോട്ടലില്‍ എങ്ങാനും പോയി ഉച്ചക്കത്തെക്കുള്ള ആഹാരം വല്ലോം വാങ്ങീട്ടു വാ … ”
ജോജി അസ്വസ്ഥനായി ആണിരുന്നതെങ്കിലും അവനു പോകാതിരിക്കനായില്ല അവന്‍ പൈസയും എടുത്തു ജോര്‍ജുട്ടിയെയും കൂട്ടി വണ്ടി സ്റ്റാര്‍ട്ട്‌ ചെയ്തതും എല്ലാവരും ആകാംഷയോടെ ജെസ്സിയെ നോക്കി
” അലീസമ്മച്ചി … അങ്ങോട്ട്‌ പോകുന്നതിന്‍റെ പേപ്പറും കാര്യങ്ങളും ഒക്കെ പറഞ്ഞു ഒരു കണക്കിനവളെ മയപ്പെടുത്തിയിട്ടുണ്ട് … പേരിനു ഒരു ഒപ്പിട്ടാല്‍ മതി എന്നൊക്കെ പറഞ്ഞു … നീ അവിടെ ചെന്നാ ..നിനക്ക് താല്പര്യം ഇല്ലേല്‍ അലീസമ്മച്ചീടെ കൂടെ നിന്നോ എന്നൊക്കെ പറഞ്ഞു ബീനയും കൂടെ കൂടിയപ്പോ ഒന്ന് ശാന്തമായിട്ടുണ്ട്….”
‘ അത് മതി … ബാക്കിയൊക്കെ അവിടെ ചെന്നിട്ടു ഞാന്‍ നോക്കി കൊള്ളാം … എന്നാലും എന്‍റെ കൊച്ചെ എനിക്കീ ബുദ്ധി തോന്നിയില്ലല്ലോ … എനിക്കേറ്റോം ഇഷ്ടപ്പെട്ട അവള്‍ടെ മുഖത്ത് നോക്കി കനപ്പിച്ചു പറയേണ്ടീം വന്നു …ഈശ്വരാ ” അലീസിന്റെ കണ്ണുകള്‍ നിറഞ്ഞു
” മാത്തച്ചാ …ദേ ..സമയം പന്ത്രണ്ടാകുന്നതെ ഉള്ളൂ … നാളത്തെനു വെക്കണ്ട … ഇന്ന് ….ഇപ്പൊ തന്നെ രെജിസ്റര്‍ ചെയ്യണം … അല്ലേല്‍ അവള്‍ടെ മനസ് തിരിഞ്ഞാലോ..ങേ ?”
” അതിനെന്നാ ..ഇപ്പൊ തന്നെ പോയേക്കാം ” ഫിലിപ്പ് ചാടി എഴുന്നേറ്റു …
ഫിലിപ്പിന്റെ കൂടെ മാത്തച്ചനും ഇറങ്ങി .. ജോജിയും ജോര്‍ജുട്ടിയും കൂടി ബിരിയാണിയും ഒക്കെ പാര്‍സല്‍ വാങ്ങി വീട്ടില്‍ എത്തിയ സമയത്ത് തന്നെ ഫിലിപ്പും മാത്തച്ചനും എത്തിച്ചേര്‍ന്നു
” നിങ്ങളിത്ര പെട്ടന്ന് എത്തിയോ ? എന്തായി പോയ കാര്യം ?”
” അലീസേ ..നിങ്ങള്‍ ഇറങ്ങിക്കോ … രെജിസ്ട്രാര് ജോഷീടെ ഒരു ഫ്രണ്ടാ ..കാര്യം പറഞ്ഞപ്പോ അവനു വളരെ സന്തോഷം … പിന്നെ പോരാത്തേന് ഇച്ചിരി പൈസയും കൊടുത്തു “