Posted by ടെസയും കല്യാണിയും കുഞ്ഞും കൂടെ കല്യാണി പഠിച്ചിരുന്ന ഹോസ്പിറ്റലിലേക്ക് പോയി . കല്യാണി അവിടെ ചെന്ന് അവളെ പഠിപ്പിച്ചിരുന്ന ഡോക്റ്ററെ കണ്ടു . അവളെ കണ്ടതും അവർ എഴുന്നേറ്റു കല്യാണിയെ
ആശ്ലേഷിച്ചു
” കല്യാണി …മോളെ …സുഖമാണോ ?’
” സുഖം …ഇതെന്റെ മോൻ ” ടെസയുടെ കയ്യിലിരുന്ന കുഞ്ഞിനെ ചൂണ്ടി കല്യാണി പറഞ്ഞു
‘ കല്യാണി ..ഇത് …അന്നത്തെ ……ഈശ്വരാ …” ഡോകറ്ററിന്റെ കണ്ണുകളിൽ അത്ഭുതവും സങ്കടവും സന്തോഷവും മിന്നി മറയുന്നത് ടെസ ശ്രദ്ധിച്ചു
” മോളെ ……നീയിവിനെ കളഞ്ഞില്ലല്ലോ അല്ലെ …ദൈവം നിന്നെ അനുഗ്രഹിക്കും “
” കല്യാണി ഒന്ന് പുഞ്ചിരിച്ചു
” ഡോകടർ …ഞാൻ വന്നത് ….ഞാൻ …എനിക്കിവന്റെ DNA ടെസ്റ്റ് എടുക്കണം “
“എന്തായിത് ? വേണ്ട മോളെ …ഇതിനു ഞാൻ സമ്മതിക്കില്ല …….പറ്റില്ല “
ടെസ ഒരു കൈ കൊണ്ട് കുഞ്ഞിനെ മാറോട് ചേർത്ത് മൊബൈൽ എടുത്ത് ദേവനെ വിളിക്കാനോങ്ങി
” ടെസെച്ചി …വേണം ..ഇവൻ അച്ഛനില്ലാതെ വളരരുത് ….”
” ഇല്ല …വേണ്ട …ദേവേട്ടനിതു സമ്മതിക്കുമെന്നു തോന്നുന്നുണ്ടോ നിനക്ക് …ഇവനെ ദേവേട്ടന്റെ അടുത്ത് നിന്ന് പറിച്ചെടുക്കാൻ നിനക്കാവുമോ ? അതിന് വേണ്ടിയാണോ ആ പാവം ഇത്രയും സഹിച്ചത് ?’
കഥയറിയാതെ ഡോകടർ കണ്ണ് മിഴിച്ചു
കല്യാണി ഡോക്ട്ടറെയും കൂട്ടി അല്പം മാറി നിന്ന് സംസാരിച്ചു .അവരുടെ മുഖത്ത് വിവിധ വികാരങ്ങൾ മിന്നി മറയുന്നത് ടെസ നോക്കി നിന്നു”
അവർ സംസാരിച്ചു കഴിഞ്ഞു ഡോകടർ കല്യാണിയേയും കൂട്ടി ടെസയുടെ അടുത്തേക്ക് വന്നു
” ടെസ …കുഞ്ഞിന്റെ DNA എടുത്തത് കൊണ്ട് അവനു യാതൊരു പ്രശ്നവുമില്ല …കല്യാണിയുടെ തീരുമാനമല്ലേ ..നമുക്കെടുക്കാം “
” പക്ഷെ , കല്യാണി ….മോളെ ..അതിനു അവന്റെ അച്ഛന്റെ DNA കൂടി എടുക്കണ്ടെ ? എന്നിട്ടു എന്താണ് നിന്റെ ഭാവം …അവനെ അവന്റെ അച്ഛനെ ഏൽപ്പിക്കാനോ ? അതോ അവകാശങ്ങൾ പിടിച്ചു വാങ്ങാനോ ?.അതിന്റെയൊന്നും ആവശ്യമില്ല ….കുഞ്ഞിനും നിനക്കും ജീവിക്കാനുള്ളത് ദേവേട്ടൻ തരും …എനിക്കുറപ്പുണ്ട് ..”